Dili, 13 Maiu 2025 (Média Democracia) – Universidade Hasanuddin Indonesia (UHI) realiza Konferensia Imprensa kona-ba koopersaun entre Univerisidade iha Timor-Leste dalan nakloke hodi haruka estudante oan sira bele ba estudu iha Indonezia, Konferensia ne’e hala’o iha Salaun VIP Aeroportu Intenasional Nicolau Lobato Dili
Reitor Universidade Hasanuddin Indonesia, Jamaluddin Jompa hateten, Unhas mak universidade boot iha Indonézia no agora iha oportunidade hakarak halo kooperasaun estratéjiku ho komunidade no governu Timor-Leste nune’e fó oportunidade ba estudante bele hala’o estudu iha Indonesia.
“Ha’u liuhusi maun Luciano ne’ebé hanesan alumni UNHAS no iha alumni barak UNHAS sira seluk iha Timor-Leste, iha tinan tolu nia laran ami dezenvolve programa sira ne’ebé iha natureza estratéjiku, hanesan dezenvolvimentu kapasidade rekursu umanu nian. Ne’e hanesan obrigasaun ida mai atu halo kooperasaun di’ak liu tanba ita hanesan mós nasaun vizinu.” Dehan Reitor Universidade Hasanuddin Indonesia, Jamaluddin Jompa
Nia hatutan kooperasaun ida ne’e durante halo diskusaun hamutuk alumni UNHAS Timor-Leste nian, finalmente deside atu dezenvolve rekursu umanu iha Timor-Leste ho programa “university to university”, nune’e fó oportunidade ba dosente no funsionáriu inklui estudante bele ba kontinua estudu iha nivel S2 no S3 iha Universidade Hasanuddin.
“Ami halo esforsu atu bele oferese konkórensia ne’ebé di’ak liu (offer the best of the best), ami entusiasmu boot loos ba universidada sira iha Timor-Leste atu simu oportunidade hodi kontinua estudu iha Universidade Hasanuddin Indonesia.” Dehan Reitor Unhas
Nia afirma Unhas laos Universidade ne’ebé riku liu iha Indonézia, maibé nia prinsipiu hakarak atu halo di’ak ba ema hotu-hotu liu-liu ba povu Timor-Leste tanba iha tinan ne’e Universidade Hasanuddin iha estudante Timor-oan hamutuk hamutuk 74 ne’ebé kompostu husi 44 doutor no 30 mestradu iha area Saude no Edukasaun hala’o hela estudu.
Iha fatin hanesan reprezenta Laison Officer Hasanuddin Timor-Leste, Lucio Marçal Gomes hateten, ohin realiza konferensia imprensa hamutuk ho Universidade Hasanuddin Indonesia mai iha Timor-Leste durante loron tolu nia laran atu halo koopersaun, nune’e bele haruka estudante Timoroan bele ba estudu iha Indonesia.
“Bainaka hirak ne’e mai durante loron tolu iha Dili, horseik ami halo aktividade lubuk ida primeiru ami halo abertura kona-ba klasse “brith” katak klase online no offline, loke husi reitor universidade Hasanuddin akompaña husi excelencia Mariano Asanami Sabin nomos reitor universidade no instituisaun hamutuk 12 iha Timor-Leste.” Dehan Reprezenta Laison Officer Hasanuddin Timor-Leste, Lucio Marçal Gomes
Nia hatutan hanesan Lasion Officer Hasanuddin University iha Timor-Leste kooperasaun ida ne’e di’ak tebes tanba daudaun ne’e estudante Timor-oan 74 mak hetan bolseiru husi Universidade Hasanuddin.
“Durasaun Doutoramentu tinan 3 mestradu tinan 2 bainhira estudu tinan ida ho balun di’ak liután maibe liu tinan 3 ninia konsekuensia mak estudante sei selu rasik bele konklui nia estudu iha mestradu mos hanesan karik liu tinan rua ita obrigatoriu selu mesak atu finaliza estudu.” Dehan nia
Nia hatutan planu iha Agostu sei fó oportunidade ba lisensiatura, mestradu no doutoramentu sei ba barak liután, husu joven sira Universidade Hasanuddin hanesan Universidade publiku iha Indonesia parte Timur nian katak labele husik liu oportunidade hodi ba estudu iha Hasanuddin.
Esplika liután Universidade Hasanuddin Indonesia (UHI) hamutuk ho Laison Officer Hasanuddin Timor-Leste, kria liña koordenasaun di’ak hodi loke dalan ba estudante Timoroan bele ba estudu iha Indonesia haree liubá iha areá rua hanesan Saude no Edukasaun, nune’e futuru bele halo dezenvolvimentu iha Timor-Leste.
Reportajen : Nelfiano
Foto : Nelfiano