Oe-cusse, 31 Janeiru 2025 (Média Democracia) – Rofina de Carvalho ho idade neen-nulu-resin-haat (64) husi Rejiaun Administrativa Espesial Oe-cusse Ambeno RAEOA sub-rejiaun Pante Makasar Suku Cunha Aldeia Noeninen, durante ne’e kria negósiu ki’ik barajen Tono bele hetan osan hodi sustenta ba nesesidade
Rofina de Carvalho hateten, kaben husik hela nia duarante tinan sanulu liu ona, nune’e deside hodi halo atividade negósiu ki’ik iha dalan ninin hanesan fa’an modo-tahan hetan osan ituan hodi responde ba nesesidade loron-loron no suporta bei-oan sira ba iha nivel estudu
Ha’u nia kaben husik hela ami kuaze tinan sanulu liu ona entaun ha’u deside halo to’os no kintal ki’ik hodi kuda modo-tahan sira hanesan ai-farina-tahan, kanku, bayan, brinzela, aimanas no fore-sikoti iha to’os laran. Tanba ha’u laiha osan atu hola ema seluk nia modo hodi fa’an fila-fila, entau deside halo to’os rasik hodi kuda modo no ai-han ruma to’o hetan rezultadu di’ak bele fa’an rasik, nune’e hetan osan hodi sustenta ba presiza loron-loron nian.” Dehan Dehan Rofina de Carvalho
Nia hatutan modo-tahan ne’ebé loron-loron lori halo negósiu ki’ik, lori modo-tahan rasik ne’ebé produz husi to’os no kintal iha uma-hun tanba modo hirak ne’e fasil tebes ema atu hola lalais entaun nia deside kada tina nafatin halo to’os hodi kuda produtu ne’ebé bele hetan osan
“Modo-tahan ne’ebé kada loron ha’u fa’an ho folin ne’ebé ki’ik, kada loron sempre folin $ 3.00 to’o 4.00 dolar ba leten. Modo tahan hanesan ai-farina-tahan futun ida fa’an $0,10 sent, kanku, bayang mós hanesan. Diferente mak brinzela, aimanas no fore-sikoti ne’e ha’u fa’an fatin ida $0.50 sent. Bainhira ita fa’an sasan folin karun liu ema la mai hola tanba iha fatin ne’e negosiante barak halo negósiu.” Dehan nia
Nia salienta durante ne’e halo negósiu ki’ik iha dalan ninin maske hetan rendimentu ne’ebé ki’ik maibé nafatin esforsu-aan tanba ida ne’e maka to’os no natar ba familia simples ida ne’e hodi responde ba presiza nian, nune’e labele tane liman ba ema seluk.
Atu esplika kle’an liután maske kaben husik hela sira iha tempu naruk nia laran maibé hanesan inan faluk nafatin esforsu-aan halo to’os hodi kuda modo-tahan oioin, nune’e bele hetan rejultadu di’ak lori halo negósiu ki’ik iha dalan ninin, maske hetan rendimentu ne’ebé ki’ik maibé nafatin esforsu-aan halo negósiu tanba nesesidade mak obriga.
Reportajen : Nelfiano
Foto : Nelfiano