Dili, 24 fevereiru 2025 (Média Democracia) – Observasaun Hak ba reestrutura Nonu-Governu ne’ebé sei akontese iha tempu badak, Hak husu Ministeriu ida ne’ebé la funsiona ho di’ak merese atu reestrutura ka troka, Lia-hirak ne’e Diretor Hak hato’o hafoin hetan entrevista ho jornalista Média Demokrasia iha nia kna’ar fatin
Iha entrevista ho Diretor Ezekutivu HAK (Hukum Hak Asasi dan Keadilan sigla Indonesia) Feliciano da Costa Araújo hateten, perspetiva husi sosiedade sivil observa deklarasaun husi Primeiru Ministru hahu husi tomada de pose, Primeiru Ministru iha kedas komitmentu ne’ebé hato’o liuhusi deklarasaun sira ne’e, Primeiru Ministru nia kompetensia ida seluk mak tenke rekoñese duni govenu ida ne’e ho nia pesu ne’ebé boot, husi observasaun hotu laos sosiedade sivil deit maibé povu sira mós observa funsionamentu servisu la’o ladun di’ak
“Servisu hamutuk ne’e hanesan governu sira liuliu ba sira ne’ebé kaer kargu servisu iha sidade Dili deit, maibé iha Munisipiu sira mós servisu la di’ak no kargu hirak ne’ebé governu sira asumi ne’e la funsiona ho diak, Observasaun sosiedade sivil ba iha funsionamentu sira ne’e durante SEATOU mak servisu lao iha sidade Dili nomos iha Munisipiu balu, oinsa ho Ministru no Sekretariadu Estadu sira seluk nia servisu lao iha ne’ebe, ita koalia klaru katak durante servisu sira lao ne’e SEATOU mak hala’o hotu hanesan Teras nia servisu, obras publika nia servisu.” Dehan Diretor Ezekutivu HAK (Hukum Hak Asasi dan Keadilan sigla Indonesia) Feliciano da Costa Araújo
Nia hatutan Governu iha hanoin atu reestrutura, tanba iha promesa balun dehan 120 dias governu sei halo observasaun ba iha funsionamentu kada membru maibe ida ne’e la akontese to agora tan ne’e husu ba parte governu karik atu reestrutura governu akontese tiha lai ba mak bele koalia sai ba ema hotu
“Perspetiva husi sosiedade sivil haree ba iha Ministeriu hirak ne’ebé presiza tebes atu tahu atensaun ba iha sira-nian funsionamentu mak Ministeiru Saude, Agrikultura, Turismu liga ho Ministeiru Comersiu Industria, Estatal, setor hirak ne’e governu presiza tahu atensaun, tanba nia funsionamentu la’o ladi’ak.” Hatutan Diretor Ezekutivu HAK Feliciano da Costa Araújo
Esplika kle’an liután katak, bazea ba observasaun sosiedade sivil nian ne’ebé koalia kona-ba reestrutura nonu-govenu, tanba liga ho situasaun ne’ebé komunidade Timor-Leste enfrenta no haree mós servisu husi Ministeiru sira nian ne’ebé lao ladi’ak no la tuir idak-idak nia servisu.
Reportajen : Domingas
Foto : Domingas