Dili, 25 April 2025 (Média Democracia) – Telkomcel Gandeng asina nota entendementu (MoU) ho Ministériu da Juventude, Desporto, Arte e Cultura (MJDAC) Timor-Leste iha passu estratejiku atu suporta transformasaun rekursu nasional, Telkomcel oferese provedor ba servsisu telekomunikasaun ba Timor-Leste.
Iha entrevista ho nain ba Telkomsel Benedictus Ardiyanto Priyo hateten, Serimonia asinatura ida ne’e hala’o diretamente iha Palm Springs Hotel Dili, ne’ebé partisipa husi Ministeriu Relevante sira inklui mós ho CEO Telkomcel Mr. Benedictus Ardiyanto Priyo no Ministériu da Juventude, Desporto, Arte e Cultura (MJDAC) Timor-Leste, Mr. Nelyo Isaac Sarmento.
“Servisu hamutuk ida ne’e sai hanesan pasu importante ida ne’ebé Telkomsel atu hametin kolaborasaun iha liña sektorais sira, atu halo inovasaun sira iha area lokal mendorong inovasi lokal, atu hasae potensialidade ba joventude sira nomos halo promosaun ba iha kultura Timor-Leste nia iha nivel global hamutuk ho governu ne’ebé sei reprezenta husi Ministériu da Juventude, Desporto, Arte e Cultura (MJDAC).” Dehan Benedictus Ardiyanto Priyo
Nia hatutan durante tinan sanulu resin rua hela iha Timor-Leste, Telkomcel moris hamutuk ho talentu diak sira ne’ebé orijen diak husi nasaun ida ne’e. Liu pursentu 95% atus rua ne’e staff ne’e mesak Timor-oan nia ema deit mak servisu iha Telkomsel, pursentu 75% posizaun hanesan manejer ne’ebé iha talentu diak hanesan mós joven Timor-Leste. Telkmsel hatene katak joven sira ne’e servisu makas tebes atu hadia futuru ne’ebé diak iha era global ba iha nasaun ida ne’e, tan ne’e maka Telkomsel hanoin katak tenke servisu hamutuk ho Ministériu da Juventude, Desporto, Arte e Cultura (MJDAC) sai hanesan passu primeiru atu bele atinji futuru dijitalizasaun ida ne’e iha Timor-Leste ne’ebé nakonu ho esforsu joventude sira nian.
“Kolaborasaun ida ne’e atu atinji komitmentu Telkomsel atu halo inovasaun no hamoris futuru ida ne’ebé diak ba iha joventude feto no mane Timor-Leste ne’ebe iha ligasaun ho dijitalizasaun maibé la haluha kultura hanesan identidade nasional ho kolaborasaun ne’e ami espera bele iha solusaun ida ne’ebé luan hodi lao hamutuk ho objetivu ida.” Hatutan Benedictus Ardiyanto Priyo.
Nia hatutan Inovasaun ida ne’ebé Telkomsel halo ona mak oferese ona kompetisaun startup primeiru iha Timor-Leste ne’ebé sai hanesan inovasaun no kreatividade ida ba joventude Timor iha Telkomcel DigiStar. Sira ne’ebe hetan premiu husi Telkomcel DigiStar sai hanesan inovator ne’ebé di’ak ba iha nasaun Timor-Leste ne’ebe iha nia misaun atu halo mudansa ba iha nasaun ida ne’e.
“Haforsa kapasitasaun ida ne’e hanesan pontu importante ba Telkomsel atu muda halo transformasaun ba iha dijitalizasaun ba iha nasaun Timor liuhusi programa sira, telkomsel laos oferese platforma hanorin no monitorizasaun internal no esternal kompaña, maibe loke los asesu ba rede industria ne’ebé luan, nune’e hametin fiar kreativitas nomos sai hanesan lider foun ida ba Timor-Leste ne’ebé tenke kompete ho nasaun seluk, joventude nia servisu makas liuhusi teknolojia nomos implementasaun sai hanesan kolaborasaun ida ne’ebé telkomsel sei servisu hanesan parseiru ofisial telekomunikasaun iha Jogos Desportivos CPLP ne’ebé sei partisipa husi nasaun portugues sira hotu iha data 17-25 Juli 2025.” Dehan nia
Telkomcel sei fó apoiu hodi Oferese dedicated internet access ba média sira durante atividade ne’e lao. Sei ajuda servisu hamutuk hodi halo produsaun ba iha video konten publikasaun ba iha média sira inklui SMS broadcast ba kliente Telkomcel atu hasae viwers durante eventu refere. Halo produsaun ba digital advertising ba promosaun iha eventu refere. Oferese integrated website platform ba eventu CPLP. Oferese mos 600 SIM card nomos pakote internet 25GB ba atleta no ba delegasaun, panitia sira, oferese mós 700 merchandise packs.
“Liuhusi servisu hamutuk ida ne’e ami fiar katak Telkomsel sei iha komitmentu ida ne’ebé bele ajuda halo transformasaun nasional adoptasaun teknolojia, haforsa setor kreatividade nomos kultura. Ami sente orgullu tanba bele sai hanesan official telecommunication partner ba event Jogos Desportivos CPLP. Ba oin ami fiar katak husi eventu desportivu ne’e ami bele hamosu tan inovasaun fou nomos halo mudansa ba iha setor industria kreatividade desportivu turismu iha nasaun ida ne’e.” Deklara Benedictus Ardiyanto Priyo
Hatutan husi , Ministério da Juventude, Desporto, Arte e Cultura (MJDAC) Timor-Leste Nelyo Isaac Sarmento agradese ba Telkomsel ne’ebé iha objetivu di’ak tebes atu bele halo inovasaun ba iha internet nian atu halo publikasaun ba eventu ne’e liuhusi média sira, website, official partner.
“Representa Timor-oan sira ne’e nakonu ho esforsu hodi lori mudansa positivu ba nasaun ida ne’e ho nia karakter ne’ebé diferente kultura atu fó sai identidade joventude Timor-Leste ne’ebé nakonu ho fiar-an, rekoñese kultura, aten brani, no prontu atu haree ba mudansa ne’ebé sei mai ho razaun hirak ne’e Telkomsel oferese merchandise official ba eventu ne’ebé sei hala’o Jogos Desportivos da CPLP.” Dehan Ministério da Juventude, Desporto, Arte e Cultura (MJDAC) Timor-Leste Nelyo Isaac Sarmento
Nia hatutan husi kolaborasaun ne’e liuhusi asina MoU ho Telkomcel hodi servisu hamutuk atu telkomsel bele oferese programa sira nomos estratejiku hanesan halo promosaun ba iha kultura Timor-Leste nian liuhusi plataforma digital karakteristika nasionalismu hodi implementa valor sira, Telkomsel oferese oportunidade ba individu sira atu bele iha ideia ne’ebé bele halo inovasaun ba kapasitasaun individu atu bele hamoris ekosistema inovasaun inklusivu ida.
Reportajen : Domingas
Foto : Estefania
Editor : Jp.Costa