Dili, 21 Outobru 2024 (Media Democracia) - Ministeriu Negósiu Estranjeirus no Kooperasaun (MNEK) liuhusi Diresaun Asuntu ASEAN, realiza sorumutu Elaborasaun ba Ezbosu Primeriu ba ASEAN halo akordu kona-ba Trade in Service (ATISA) no ASEAN Framework Agreement in Service (AFAS), sorumutu ne’e realiza iha Salaun Nobre MNEK Pante-Kelepa
Diretor Jeral Asuntu Asean reprezenta husi Diretora Nasional ba Asuntu Ekonomiku Dircia Pinto, hateten ohin realiza sorumutu ida-ne’e ba loron-tolu nian ne’ebé organiza husi Ministeriu Negósiu Estranjeiru no Kooperasaun ba liña ministeriais liuhusi pilar ekonomia nian hanesan parte ida husi kompremisiu governu nian hodi konkore ba roteiru ba estadu membru Asean nia fó ona mai Timor-Leste.
“Ohin loron ita abertura ba Workshop ida-ne’e sei iha peritus ne’ebé mai husi União Europeia rasik atu fó ba Timor-Leste, oinsá bele gia ba ita hotu hodi ezersisiu ba Timor-Leste nia (MARKET ACCESS OFFER) liu-liu ba akordu iha parte tolu hanaran AFAS tanba akordu ida ne’e haree liubá servisu nian no investimentu katak bolu akordu ACIA (Asean Comprehensive Investiment Agreement).” Dehan Diretora Nasional ba Asuntu Ekonomiku, Dircia Pinto ba jornalista sira iha Salaun Nobre MNEK.
Nia salienta liután katak iha roteriu ne’e tuir kriteriu fiar ne’ebé halo tuir mak (full fell) tenke atinji iha pilar ekonomia nian rasik kona-ba saida mak Timor-Leste infrenta tenke haree oinsá bele halo ezersisiu kona-ba akordu ne’ebé iha.
Trade & Investment Programme Officer, Trade Facilitation and Police for Business Division of Market Development, Antonio Gil Lobit hateten, ohin realiza sorumutu ida ne’e importante tebes ba Timor-Leste atu halo negósiasaun ho membru Asean tomak nune’e Timor-Leste mós bele sai hanesan membru Asean nian.
“Pontu importante mak Timor-Leste tenke halo negósiasaun ho membru Asean nian nune’e halo tratamentu ba sasan ne’e mai husi ema Timor-oan katak selu taxa ba estadu kalae no montante ba taxa nian ne’e hamutuk hira maibé iha diferente bainhira sasan sai husi Timor-Leste ba iha Asean tenke hanesan.” Dehan Antonio Gil Lobit
Nia hatutan liután katak, tenke halo mós negósiasaun ne’ebé di’ak ho membru Asean nian nune’e ema husi Timor ba iha ASEAN bela halo servisu ho di’ak iha rejiaun ASEAN nian, tanba ohin diskute kona-ba kondisaun ne’ebé Timor-Leste infrenta hodi fó ba ASEAN.
Atu esplika kle’an liután relasiona ho sorumutu ba loron ohin nian ne’ebé realiza liuhusi Ministeriu Negósiu Estranjeiru hodi koalia kona-ba asuntu importante entre Timor-Leste ho membru ASEAN hanesan Akordu ba Investimentu Abrajente no Movimentu Individu.
Reportajen : Nelfiano
Foto : Nelfiano