Dili, 21 Outobru 2024, (Média Democracia) – Anario Soares ho idade sanulu resin-ida (11), mai husi Munisípiu Ermera Postu-Administrativu Hatualia, daudaun ne’e hela iha Kampung-Baru rai hun, fahe tempu ba eskola no halo negósiu fa’an manu-tolun iha dalan ninin hodi bele ajuda apa no ama hodi responde ba nesesidade uma laran.
Nia haktuir katak, atividade lokraik nian mak oinsá atu bele ajuda familia uma laran hodi buka tempo hodi fa’an manu-tolu iha dalan ninin.
“Ha’u estuda iha Pre-primaria N°5 Comoro, klase 2. Ha’u fahe tempu oinsá ha’u bele fa’an manu-tolun no ba eskola, entaun dadersan ha’u tenki hader sedu prepara aan hodi haris ba eskola, ha’u tama eskola tuku ualu (8:00), sai eskola iha tuku sanulu resin-rua (12:00), oras meudia ha’u too uma han tiha no deskansa oituan, ha’u nia mama da’an ona manu-tolu, hodi prepara atu fa’an iha dalan ninin merkadu Kampung-Baru. Lokraik ha’u lori manu-tolun raak ida, se ema hola di’ak entaun bele hetan too $3 tanba ha’u fa’an fuan ida ho osan Kuarter, (0.25 $), se karik ema la hola hotu tenki lori fila ba fali uma no aban ha’u sai eskola hodi kontinua fa’an fila fali, no kalan antes atu toba ha’u tenke loke livru fila-fali hodi estuda materia aban nian.” Dehan Anario iha Kampung Baru.
Nia hatutan liutan katak, fa’an manu-tolun ne’e laiha ema ida ka familia ida mak atu obriga, maibé ida ne’e intensaun husi nia rasik hodi bele ajuda nia apa ho ama kona-ba nesesidade uma laran nian.
“Ha’u fa’an manu-tolun ne’e ama ho apa la obriga maibé ha’u hakarak atu ajuda Ama ho Apa, hodi bele responde ba nesesidade uma laran. Osan hirak ne’ebé hetan husi fa’an manu-tolun ne’e ha’u fó ba ama ho apa, nune’e bele hola hahan no osan balun hodi selu ami nia eskola.” Dehan Nia
Aleinde ne’e nia hatutan tan moris husi familia simples ida oinsá atu bele ajuda familia uma laran atu responde ba nesesidade loron-loron tenki fahe tempu ba eskola no faan sasán iha dalan ninin. Iha família uma laran maun-alin na’in neen no oan daruak husi familia (6) ne’e, rua eskola no na’in haat seluk seidauk eskola.
Reportajen : Tomas
Foto : Tomas