Dili, 11 Juñu 2025 (Media Democracia) – Boxista Timoroan Faviano Monteiro ho idade 23, husi Lautém no reprezenta “Lospalos Boxing Club” (LBC), halakon indonéziu Ahmad Sari hodi menan Kampeonatu BWS volume 2, iha kategoria kilo 52, ne’ebé akontese iha loron 30 Maiu iha Jakarta Indonezia, boxista too iha Timor-Leste, Tersa semana ne’e
Boxista Faviano Monteiro, hatete vitória ne’ebé nia hetan no oferese sintu ida mai rai doben Timor-Leste hanesan mós vitoria furak ida reprezenta ba povu hotu nian
“Ha’u agradese tebes ba Maromak nia kbi’it tomak, agradese mós ba maluk Timoroan sira hotu ne’ebé apoiu maka’as mai ha’u. iha kampiaun ne’ebé ha’u hetan la’ós ba ha’u de’it, maibé ba Timoroan ona hotu.” Dehan Faviano Monteiro
Nia dehan, sintu ne’ebé nia hetan la’ós ida ne’e de’it maibé ba futuru sei esforsu aan nafatin atu nune’e bele lori tan sintu ne’ebé di’ak-liu mai Timor-Leste buat hotu atu susesu nafatin fiar aan treinu apoiu liuhusi ema seluk nune’e bele aumenta tan esperiensia foun
“Husu ba Timoroan hotu atu apoiu nafatin ha’u ba futuru bele lori tan buat di’ak mai Timor-Leste, sintu ida-ne’e la’ós ikus maibé ida-ne’e hanesan eskada ida atu ita hatutan ba oin. Liu-liu ba joven sira foin sa’e sira ne’ebé hakarak sai boxista tenke esforsu aan treinu nune’e bele ba kompete iha rai liur.” Dehan nia
Nia subliña iha oportunidade ne’e husu mós ba joven Timoroan hotu apoiu nafatin nia iha tempu saida de’it, tanba sintu ne’ebé nia hetan laos ikus maibé hanesan eskada ida ba joven seluk atu hatutan tan husi mundu boxe nune’e lori Timor-Leste ba mundu.
Iha fatin hanesan, treinadór Klubu Boxing Lospalos hatete, agradese no hakuak boot ba Timoroan hotu ne’ebé fó apoiu maka’as ba Elidio liuhusi orasaun no husu tulun mós husi rai lulik Timor-Leste no matebian, to’o ikus atleta bele sai duni kampiaun iha Kampeonatu BWS volume 2 iha Indonezia
“Ha’u hanesan treinadór Faviano nian fó obrigadu ba rai doben Timor-Leste, liu-liu ba joven no família sira hotu tanba imi-nia apoiu orasaun, apoiu morál, mak ohin loron ami manán sintu ida ne’e. Ami nia alvu la’os sintu ida-ne’e de’it maibé sei esforsu atu lori tan sintu mai ita-nia nasaun Timor-Leste iha futuru.” Dehan treinadór Klubu Boxing Lospalos
Nia hatutan durante ne’e, boxista Favino hala’o nia preparasaun di’ak hafoin hetan susesu ne’e rezultadu husi dedikasaun barak no treinu maka’as liuhusi orasaun akompaña mós husi rai lulik iha rai doben ida ne’e . Aproveita mós iha oportunidade treinadór ne’e apela ba Governu atu investe iha dezenvolvimentu boxing.
Esplika liután boxista Klubu Boxing Lospalos (LBC), iha tersa ne’e ho nia ekipa fila hikas mai Timor-Leste ho aviaun Citilinc. Iha Aeroportu Internasionál Prezidente Nicolau Lobato, Comoro, Dili, boxista ne’e simu kedan husi ekipa boxe no familia Timoroan
Reporatejen : Nelfiano
Foto : Nelfiano