Dili, 16 juñu 2025 (Media Democracia) – Ministru Negósiu Estranjeirus no Kooperasaun hala’o sorumu ho Xefe misaun Uniaun Europeia nian ba akompañamentu eleisaun iha Timor-Leste ne’ebé akompaña husi Embaixador Uniaun Europeia iha Timor-Leste Marc, Fiedrich, enkontru ne’e halao iha salaun MNEK Praia dos Coqueiros Dili, Sesta Feira sema kotuk, 13/06/2025.
Ministru Negósiu Estranjeirus no Kooperasaun MNEK, Bendito Freitas hateten, ohin enkontru ho Uniaun Europeia liga liubá iha komisaun iha eleisaun ne’ebé uluk nia mai ida ne’e tan ba dala-haat ona hodi fó asistensia ba iha eleisaun iha 2022 kona-ba eleisaun Prezidensial, sira servisu apoiu eleisaun atu haree ba mekanismu koordenasaun nune’e iha efetividade no resultadu di’ak.
“Ita sente kontente tebes tanba sira mai iha ita-nia nasaun ne’e tinan rua ona hodi apoiu ba iha servisu tekniku sira haree ba iha eleisaun nian apoiu husi Uniaun Europeia ne’e importante tebes ba iha ita-nia prosesu eleisaun nian ita sente katak prezensa sira nian ne’e bele apoiu tebes ba iha eleisaun ne’ebé sei hala’o iha tempu tuir mai.” Dehan Ministru Negósiu Estranjeirus no Kooperasaun MNEK, Bendito Freitas
Iha fatin hanesan Xefe Misaun Akompañamentu Eleisaun Uniaun Europeia, Doménec Rui Devesa hateten, haree liubá iha espesifiku husi rekomendasaun reforma finansial ba iha kampaña eleitorais nian iha transperensia sira ne’ebé hamutuk hodi haree iha lei legislasaun nian tanba iha lei ida de’it maka eleitoral.
“Haree ba ami nia misaun iha tinan 2022 no 2023 ne’ebé konfirma katak iha eleisaun ne’ebé hala’o iha Timor-Leste haree ba iha relatoriu sistema lao tuir demokrasia tanba ita hatene katak sidadaun hotu-hotu mai ezerse nia direitu no dever maibé tenke melloria di’ak liu ka servisu di’ak liután iha finansia nomos aspetu sira seluk tan.” Dehan Xefe Misaun Akompañamentu Eleisaun Uniaun Europeia, Doménec Rui Devesa
Nia hatutan Uniaun Europeia mai iha Timor-Leste ba dala-haat ona hodi fó asistensia ba iha eleisaun iha 2022 kona-ba eleisaun Prezidensial hodi apoiu servisu elisaun nian fó asistensia no koordenasaun efetivu nune’e iha elisaun bele hetan resultadu di’ak.
Esplika liután katak enkontru bilateral ne’ebé hala’o husi Ministeriu Negósiu Estanjeirus no Kooperasaun ne’ebé marka prezensa husi Xefe Misaun Uniaun Europeia nian ba akompañamentu eleisaun iha Timor-Leste ne’ebé hetan akompaña husi Embaixador Uniaun Europeia iha Timor-Leste Marc, Fiedrich atu haree liubá iha servisu ba eleisaun nian.
Reportajen : Domingas
Foto : Domingas