Dili, 29 Setembru 2025 (Média Democracia) – União de Bombeiros dos Paises da Lingua Portuguesa UBPLP “sigla portuges” iha Timor-Leste hamutuk ho Autoridade Protesaun Civil realiza seremonia hodi entrega ofisial Mascote husi delegasaun UBPLP nian, seremonia ne’e hala’o iha edifisio APC Caicoli, Tersa semana kotuk, 23/09/2025.
Diretor Nasional Bombeiros Timor-Leste, Paul de Oleveira Maia, hatete ohin realiza seremonia ne’e hakarak apela ba povu tomak estadu RDTL realasiona ho eventu ne’e simbolikamente halo ona iha luanda 2024 simu Prezidensial Rotativa 7° Asembleia mai too 8° asembleia entaun prezidensial rotativa monu iha Timor-Leste nune’e sei realiza fali iha 2026 hodi entrega fila fali prezidensial rotativa ba Cavo-verde
“Ohin marka prezensa prezidente União dos Paises da Lingua Portuguesa UPLP, sesante akompaña ho Vise Prezidente Ligadu Bombeiros, Sekretariadu Permanente Portugal, lori simbolikamente masadu rotativa entrega mai Timor-Leste hanesan giuan ida prepara ba 2026 hodi entrega fila-fali ba União de Bombeiros dos Paises da Lingua Portuguesa.” Dehan Diretor Nasional Bombeiros Timor-Leste, Paul de Oleveira Maia
Diretor Nasional Bombeiros Timor-Leste hatutan União de Bombeiros dos Paises da Lingua Portuguesa relasiona ho akordu bilateral hanesan CPLP entaun hetan benefisiu husi formasaun kona-ba Bombeiros nian oinsa bele partilla koiñesimentu ba malu nune’e apoiu mós ekipamentu avansadu kona-ba buska salvamentu, veskate hodi proteje komunidade sira iha area urjensia emerjensia nia laran
“Ha’u asume kargu tinan rua programa ita sei halo hanesan mós nasaun avansdau, Portugal, Cavo-verde, Angola tanba sira mak harii Bombeiros iha Timor-Leste, adopta mós lingua sai hanesan ita-nia lingua ofisial entaun uniformaliza tuir regras ne’ebé ami halo iha dezampañamentu UBPLP nian tuir regras no estatutu deside husi nasaun ualu.” Dehan Diretor Nasional Bombeiros Timor-Leste
Diretor afirma entaun husi Timor-Leste prepara de’it estrutura sira hodi ba iha Portugal hodi tuir formasaun bele eleva koiñesimentu nune’e fila mai hodi atua problema ne’ebé akontese iha rai laran hanesan mós nasaun CPLP no UPLP
Iha fatina hanesan Sekretariu Estadu Protesaun Civil, Domingos Mariano Reis, hatete ho ekipa Bombeiros hotu no Prezidenti APC simu Komandante Serviço Proteção Civil no Bombeiros, Comissário Bombeiros Prinsipal husi Angola hamutuk Vise-Presidente da Lingua dos Bombeiros Portuguesa, Komandante Marco Portugal, ho representantes Uniun Bombeiros husi Paises de Língua Portuguesa.
“Objetivu husi Delegasaun UBPLP sira ne᾽e vijita no entrega Prezedensial Macahdo Rotativa husi Uniun Bombeiros husi Paises da Língua Portuguesa ba ekipa Bombeiros iha Timor-Leste.” Dehan Sekretariu Estadu Protesaun Civil, Domingos Mariano Reis
Sekretariu Estadu Protesaun Civil (SEPC) hatutan lori Governo Timor-Leste nia naran hato᾽o onra boot hodi fó bemvindu ba imi ba konferénsia ida-ne’e kona-ba transferénsia símbolu Machado dó Bomberos husi Prezidensia Uniaun Bombeiros Pais sira Lian Portuges nian.
“Ha’u agradese tebes ba prezensa Ministru Interior ne’ebé partisipa ona iha programa ne’e, hodi hato’o kompromisu maka’as Timor-Leste nian ba protesaun sivíl no kooperasaun internasionál. Audiénsia espesiál ida ba Komisaun Republika Angola nian ami rekoñese servisu ne’ebé maka’as durante nia mandatu iha prezidénsia UBPLP nian.” Dehan Sekretariu Estadu Protesaun Civil
Sekretariu Estadu hatoo mós benvindu mós ba prezensa Komisaun Republika Portugal nian, ne’ebé ninia esperiénsia no apoiu tékniku ne’e esensiál tebes ba reforsu kapasidade protesaun sivíl iha UE. UBPLP espresa solidariedade no komitmentu komún ba seguransa no moris-di’ak povu nian. Ida ne’e promove troka koñesimentu, treinamentu ba bombeiros sira no hametin reziliensia iha nasaun.
Nigovernante ne’e apela ba Bombeiros Timor-Leste, foti prezidénsia ida-ne’e nu᾽udar orgullu boot maibé oportunidade ida ne᾽e nu᾽udar responsabilidade boot ba Timor-Leste. Nune᾽e husu Bombeiros hotu atu lidera prezidenisial ida ne᾽e ho haraik-an, promove diálogu, parseria no kooperasaun ne’ebé justu entre Nasaun membru hotu-hotu.
Esplika liután União de Paises da Lingua Portugues halo akordu bilateral ne᾽e hanesan CPLP sei hetan benefisiu barak, liu-liu sei partilla formasaun avansada ba Bombeiros sira no sei apoiu mós ekipamentu avansadu hanesan buska salvamentu, atu nune᾽e bele hasa᾽e di᾽ak liután kapasidade Bombeiros hotu iha Timor-Leste
Reportajen : Nelfiano
Foto : Nelfiano