Dili, 21 Janeiru 2026 (Média Democracia) – Sekretariu Estadu Protesaun Sivil anunsiu ba Povu Timor-Leste tomak katak metrolojia no geofisika anunsiu ona semana rua ba kotuk katak sidadaun hotu-hotu tenki atensaun ho velosidade anin hahu husi semana kotuk to’o momentu ida ne’e velosidade anin sei boot.
Tuir Sekretariu Estadu Protesaun Sivil Domingos Mariano Reis hateten, metrolojia no geofisika anunsiu ona semana rua ba kotuk katak sidadaun hotu-hotu tenki tau atensaun no kuidadu-aan ho velosidade anin ne’ebé boot.
“Ita-boot sira asesu hela iha media, parese husi (DMG) Diresaun Metrolojia no Geofisika anunsiu ona iha semana rua ba kotuk, no ha’u informa dala ida tan ba sidadaun hotu-hotu tenke atensaun, hahu husi semana kotuk to’o momentu refere velosidade anin iha parte costeira nian 60kmh ne’e hatudu nia velosidade anin makas liu, entaun fó hanoin mós ba sidadaun peskador sira ho sidadaun sira ne’ebé hela iha parte costeira tenke atensaun husi risku, tanba laloran tasi nia ass to’o 2 metros ho kauza husi anin 60kmh, parese akontese udan ho forte iha area ne’ebé ita-boot sira halo atividades ka hela ba, nune’e husu ba komunidade ka sidadaun tenke asesu iha Diresaun Metrologia No Geofisika (DMG) hodi hatene situasaun klimatika nian. Liu iha area costeira ninian hanesan Munisipiu Same, Viqueque, Baukau no Lospalos.” Dehan SEPC Domingos iha Edifisiu Armajen Kampu Baru.
Sekretariu Estadu Protesaun Civil subliña tan katak, fó atensaun ba labarik kiik-oan sira ne’ebé ba eskola labele ultrapasa mota iha tempu udan, tanba udan sei hamosu mota-boot.
“Ha’u husu mós ba labarik kiik-oan sira labele helik iha ai-hun boot sira kuando, no nafatin husu ba inan aman sira tenke kuidadu imi nia oan nomos akompaña nafatin sira iha iha semana hira tuir mai. Ha’u informa mós ba ferik katuas sira labele koko ultrapasa iha mota bainhira mota-boot.” Subliña Sekretariu Estadu Protesaun Sivil Domingos Mariano Reis
Sekretariu ne’e salienta tan, ita-boot sira asesu loron tolu liubá iha sidadaun indonesia ida mota lori iha parte mota malibaka ninian, ne’e tanba rezulta husi mota-boot, nune’e nafatin husu ba povu ka sidadaun hotu tenke asegura-aan husi situansaun klimatika refere.
Reportajen : Estajiadu Marito
Foto : Marito