Dili, 21 Janeiru 2026 (Média Democracia) – Sekretariu Estadu Cooperativa (SECoop), hamutuk ho membru hala’o sorumutu husi delegasaun Universidade Agrikultural no Floresta Fulonep Popular Xina hodi kria teknologia foun iha Timor-Leste no duut ne’ebé iha multifunsaun. Sorumutu ne’e hala’o iha Salaun Secoop Akait Dili, Tersa Semana ne’e.
Sekretariu Estadu Cooperativa SECoop, Arsenio Pereira hateten, sorumutu ne’e hetan delegasaun husi Universidade Agrikultura no Floresta Fulonep Popular Xina atu introdus kona-ba teknologia foun ne’ebé ho naran Chin-Chau Teknologi no duut ne’ebé iha multifunsaun, nune’e bele kria iha Timor-Leste.
“Ami hetan husi Universidade Xina ne’ebé mai intrudus teknologia foun ida ho naran Chin-chau teknologi ne’ebé oin ita-boot sira mós akompaña teknologia ida ne’e, duut ida ne’ebé ke sira husi Professor ne’e rasik mak intrudus duut ne’e nia funsaun barak, multifunsaun ida mak nia bele sai hanesan konserva solo rai para erosaun solo ne’e bele konserva, tanba ninia abut ne’e bele tahan rai, ida seluk hanesan duut refere bele fó han animal bibi, fahi, karau, nomos kuda bele aumenta valor ekonomiku nian.” Dehan Sekretáriu Estadu Cooperativa SECoop, Arsenio Pereira
Sekretariu Estadu Cooperativa SECoop hatutan, atu implementa programa ne’e rai tetuk ho kualidade, hodi halo produsaun kulat, tanba agora iha Timor-Leste mós iha Grupo Kooperativa ne’ebé iha Ermera no Ainaru halo produsaun ba kulat, duut ne’e mós nia funsaun di’ak tebes ba media produsaun kulat.
“Ha’u hanoin iha Timor-Leste mós ita iha grupo kooperativa balun produs hela kulat hanesan iha Munisípiu Ainaro no Ermera. duut refere ne’e implementa ona iha nasaun balun, kuase atus ida resin iha Mundu pasific, Afrika, kontinente Amerika Europa.” Hatutan Sekretáriu Estadu Cooperativa SECoop
Sekretariu Estadu afirma, Xina rasik maka produs duut ida ne’e ho naran Chonsol, no du’ut refere bele kuda iha rai tetuk, foho leten, ho rai henek tasi, nune’e Timor-Leste iha inisitiva no hakarak ne’ebé forti hodi bele kuda du’ut refere iha Timor.
“Ami mós aseita tebes iha teknologia ida ne’e tanba duut nia benifisiu barak, husi duut ita bele hakiak animal, husi duut ita bele produs kulat, husi duut ita hakiak bibi ka karau, nune’e bibi ho karau sira ne’e ita bele kosumu nia naan ho susu ben.” Afirma Sekretariu Estadu
Sekretariu Estadu informa, aleinde ne’e rekomenda mós ba delegasaun Universidade Agrikultural no Floresta Fulonep Popular Xina hodi simu Timoroan sira hala’o estudu Masteradu iha Universidade Agrikultura no Floresta iha Xina, nune’e bele hetan koiñesimentu foun hodi bele mai implementa fila-fali iha Timor-Leste.
“Ohin ha’u mós husu sira iha Universidade, ba oin bele simu Timoroan sira ba aprende kona-ba progrma ne’e nomos bele ba eskola hanesan masteradu nian iha sira-nia universidade, ha’u hanoin ida ne’e di’ak, tanba ita hatene katak Embaixada Xina mós iha Timor-leste, nune’e ita bele kontinua aproxima, hodi hatene oinsá Timoroan bele ba aprende iha sira-nia rai.” Informa Sekretáriu Estadu Cooperativa SECoop, Arsenio Pereira
Sekretariu Estadu informa, parte IX Governu liuhusi Sekretariu Estadu Kooperativa (SECoop) prontu apoiu, tanba programa ne’e di’ak ba Timor-Leste no bele halo konservasaun solo no sai funsaun ba hahan di’ak ba animal sira inklui produz kulat hodi ema mós bele konsumu.
Esplika liután Governu Timor-Leste liuhusi Sekretariu Estadu Cooperativa SECoop servisu hamutuk ho Delegasaun Universidade Agrikultural no Floresta Fulonep Popular Xina ba oin sei apoiu duut Chonsol mai kuda iha Timor-Leste, nune’e bele halo produsaun kulat nomos fó han animal sira.
Reportajen : Nelfiano
Foto : Nelfiano