Dili, 10 Fevereiru 2026 (Média Democracia) – Kandidatu ba Vaga Membru PNTL foun 2025 ne’ebé la submete ba prova médiku hahú hato’o reklamasaun ba Miniatériu Interior hahú iha loron Segunda (10/02).
“Reklamasaun hahu oin hatama ona, maibé ida ne’e ita rasik mak tenke hato’o, tenke kandidatu rasik mak reklama nia-an.” Dehan Porta-vóz Komisaun Rekrutamentu ba vaga membru PNTL foun 2025 Superintendente Polísia António da Luz iha Sentru Formasaun Polísia Segunda ne’e (09/02)
Porta-vóz hatutan, bainhira iha prosesu ne’e, ema ruma la satisfás, entaun iha dalan legál atu hato’o rekrusu no halo reklamasaun.
“Ema ruma maka sente ofendidu nia bele ba halo rekrusu, nune’e husu ba kandidatu sira ne’ebé la satisfás, ohin ami loke ona ba ita-boot sira hodi halo reklamasaun ba ita nian-aan, la satisfas ita-boot sira rasik mak reklama katak la satisfás ba prosesu ida ne’e, laos ema seluk maka halo reklamasaun.” Hatutan Porta-vóz Komisaun Rekrutamentu
Komisaun Rekrutamentu afirma, Kuandu la satisfas ho rezultadu bele hato’o keixa, tanba ita-nia nasaun demokrátiku, sé de’it bele hato’o keixa, nune’e Sekretariadu sei halo justifikasau ba asuntu hirak ne’e.
António Luz hateten, agora dadaun iha kandidatu ida ka rua sira-nia reklamasaun ne’e tenke submete ba iha Gabinete Ministeriu Interiór ne’ebé estabelese ona Sekretariadu Komisaun Rekrutamentu iha ne’ebá.
“Razaun reklamasaun kandidatu sira tenke submete ba iha Ministeriu Interiór, tanba tuir diploma ministeriál númeru 17/2025 hateten katak buat hotu-hotu ne’ebé kona-ba rekursu ba rekrutamentu ne’e tenke submete ba Ministeriu Interiór, nune’e iha ona ekipa ida ne’ebé estabelese iha Ministeriu Interiór hodi simu reklamsaun, nomos husu ba kandidatu sira hatama reklamasaun iha Ministeriu Interiór.” Reafirma Superintendente Polísia António da Luz
Superintendente ne’e subliña, diploma ministerial númeru 17/2025 koalia klaru kedas kona-ba kouta ne’ebé fahe ba modalidade haat ida mak fillos veteranu, PNTL, feto nomos ba iha públiku. Depois de Tribunal Rekursu hatun artigui 42 númeru A, B no C ne’ebé kosta iha diploma minsterial numeru 17/2025 ne’e inkonstitusionál tanba ne’e kandidatu hotu aplika ba iha jerál.
“Buat ne’ebé agora dadadaun mosu katak teste mediku ne’e PNTL nia oan no veranus nia oan ne’e opiniaun públiku, direitu ema ida nian atu halo ida ne’e.” Subliña Superintendente Polísia
Ofisiál Superiór ne’e hatutan, laiha iregularidade iha prosesu ne’e tanba hahú husi prosesu lubuk ida no verifikasaun ba dokumentu sira hotu no haree ema ne’e priense hotu kriteria ne’e mak fó nia pasa. Komisaun rekrutamentu iha kestaun ida ne’e lakohi fundamenta, tanba prosesu teste ne’e hakerek ona iha depaisu ministerial.
Reportajen : Estefania
Foto : Estefania