Dili, 20 Fevereiru 2026 (Média Democracia) – Polísia Nasional Timor-Leste (PNTL) liuhusi porta-voZ Ministériu Interior, Superintendente Asistente, Mouzinho Correia atualiza situasaun seguransa iha territoriu nasional katak la’o ho di’ak no estavel, la perturba ordem publika, maske rejistu kazu insidente hamutuk 45 no asidente 36 durante semana rua nia laran.
“Informasaun semanal ne’ebé akontese iha territoriu Timor durante semana rua nia laran hahu husi periodu 09 to’o 15 fevereiru 2026 no ultima 24, Situasaun seguransa nasional la’o di’ak, durante semana kotuk to’o ohin loron, mesmu akontese insidente no asidente balun, maibé ne’e la perturba situasaun ordem publika iha rai laran, situasaun iha rai laran konsidera estavel tanba esforsu husi ema hotu-hotu no autoridade seguransa nian.” Dehan Porta-voz Mouzinho liuhusi konferensia iha salaun Ministério Interior, vila-verde, kinta (19/02)
Porta-voz hatutan, total kazu insidente ne’ebé akontese iha semana kotuk iha 45, kompostu husi kazu Asaltu okupa fatin dahuluk, tuir fali violensia domestiku, kazu furtu no sira seluk tan.
Kazu insidente Top 5 hanesan, Asaltu 15, Vilolénsia doméstika 13 no furtu 3, Asaltu seksual, Ameasa, Arma branka, asedu seksual, kontrabandu no falsifikasaun 2, Omisidiu 1.
komparasaun relatoriu Insidente semanal Por Munisipiu ho total insidente 44, total krime Top 5 nian hanesan Ofensa ba integridade simples 19, Mau stratus ba kónjuje 7, Furtu Agravadu 3, integridade makas, ameasa, kontrabandu 2.
Komparasaun Semanal Tipu Krime TOP 5 Pôr Munisipiu husi loron 09 fulan fevereiro to’o loron 15 fulan fevereiro 2026 total hamutuk 33. Komparasaun tipu krime semanal por Munisipiu husi loron 9 to’o loron 15 fevereiru 2025 total asidente sira hamutuk 45.
Aleinde, komparasaun Relatoriu Asidente Rejista Manual total asidende 36, kanek kaman 35, kanek todan 8, mate 3 no Rejista IMS/Semana. Inklui total asidente 6, kanek kaman 4 ne’ebé akontese iha loron 09-15 fevereiru tinan 2026.
Komparasaun semanal asidenti registu iha sistema jestaun insidenti no registu manual. Komparasaun Relatoriu Asidente por Semana rejista IMS, iha loron 1-8 fulan fevereiru 2026 asidente 7, kanek kaman 8 mate 3 nune’e mos iha loron 9-15 fulan fevereiru nian asidente 6 no mate 4 ba iha rejista manual nian asidente 47, kanek kaman 50, kanek todan 7, mate 3 iha loron 1-8 fulan fevereiru 2026 no ba iha loron 9-15 fulan fevereiro 2026 nian asidente 36, kanek kaman 35, kanek todan 8 mate 3.
Komparasaun Relatorlu Semanal Asidente registu manual husi Dirasaun Tranzitu Seguransa Rodoviaria nian ba iha loron 1-8 fulan fevereiru 2026 total asidente 47, kanek kaman 50, kanek todan 7, mate 5 ba iha loron 9-15 fulan fevereiru, asidente 36, kanek kaman 35, kanek todan 8 no mate 3.
Husi kazu insidente hirak ne’e hamosu tipu krime oioin, maibé laiha mudansa katak, krime ofensa integridade fizika nafatin okupa fatin dahuluk, tuir fali violensia domestika, furtu no kontra bandu.
Enkuantu, kazu asidente trafiku rodaviariu nafatin sai preokupasaun ba Autoridade Seguransa. Tanba ne’e nia informa, iha semana kotuk, PNTL rejistu kazu asidente hamutuk 36, nune’e husi asidente ne’e rezulta ema na’in-3 mate no ema na’in-8 hetan kanek todan no kanek kaman 35 pesoas.
“Situasaun la’o di’ak tebes, iha Munisipiu sira mós situasaun la’o di’ak inklui iha kapital Dili, mesmu iha insidente no asidente balun, maibé la perturba ba situasaun seguransa rai laran.” Afirma Porta-voz Mouzinho
Porta-voz informa, kona-ba dadus kazu insidente no asidente ne’ebé rejistu numeru aumenta, tanba ne’e atu halo reduz ba krime sira ne’e la’os de’it parte komando PNTL no Ministeriu Interior de’it, maibé persiza involve ema hotu-hotu.
“Atu redus krime sira ne’e persiza ema hotu nia involvimentu no persiza estratejia no planu adekuadu, maibé parte PNTL nian nafatin halo sosializasaun iha Munisipiu sira hotu, maibé haree mós ba razaun sira husi krime. Tanba ne’e mak polisia komunitaria nafatin identifika razaun sira husi krime ne’e para atu responde hahu husi ninia abut, tanba dala-barak kazu ne’e akontese, maibé la hatene nia kauza ne’e saida, no ninia abut ne’e saida.” Infroma Porta-voz
Entretantu nia salienta katak, persiza mekanismu ida ne’ebé di’ak para identifika, nune’e hodi rezolve krime sira no labele husi leten ka klaran, maibé oinsa indentifika ninia abut para rezolve sistematiku no tuir ninia kauza lolos.
Reportajen : Estefania
Foto : Estefania