Dili, 05 de Marsu 2026(Media Democracia)- Centru Nacional Chega (CNC) halo konferencia Nacional Ho tema “Reparasaun nu’udar dalan ba dignifika vitima konflitu politiku” hahu husi tinan 1974-1999
Tuir Diretór Ezekutivu Centru Nacional Chega (CNC) Hugo Maria Fernandes hateten CNC sei halo konsulta publiku atu hetan opiniaun, sujestaun no rekomendasaun husi entidade sira hotu, konsulta publiku ida ne’e sei realiza dala haat antes fulan julhu tinan kotuk no to’o mai iha fulan Marsu tinan ne’e no hahu uluk konsulta publiku iha Municipio mak hanesan Dili, Aileu, Bobonaro no ikus liu iha Viqueque.
“Ohin ita sei halo konsulta publiku ne’e atu hetan liu tan opiniaun, sujestaun no rekomendasaun husi entidade sira hotu balun ne’ebé implementa tiha ona ba progorama medida repativa balu no mós husi reprezentasaun governu nian ne’ebe mak liga diretamente ba asuntu ida ne’e hodi forma sira nia opiniaun,konsulta publiku ida ne’e ita sei realiza dala haat antes fulan jullu tinan kotuk no too mai iha fulan Marsu tinan ne’e no hahu uluk konsulta publiku uluk iha Dili, Aileu, Bobonaro no ikus liu iha Viqueque”Dehan Tuir Diretor ezekutivu Centru Nacional chega (CNC) Hugo Maria Fernandes
Nia Informa servisu ida ne’e koletiva la’os centru chega deit maibe centru koletiva liu husi linha ministerial ne’ebé mak iha interese envolve no entidades estadu governu sira ne’ebe mak la’os envolve iha elaborasaun ne’e maibe hamutuk ho Centru Nacional Chega implementa daudauk medida reparativa sira ne’e nu’udar jestu ida hatudu katak medida reparativa sira ne’e la’os difisil atu implementa.
Iha sorin seluk Ministeriu ba Asuntus kombatentes Libertasaun Nacional (MAKLN) Ministru Gil da Costa “Oan Soru” hateten Timor Leste bele sai nasaun ne’ebe livre no independente maibe sempre iha determinasaun povu nian katak ne’e transforma buat ne’ebé ema la fiar sai realidade ne’e mai husi konkista boot no sakrifisiu tamba nee la’os oferta previljiun.
“Uluk inan-aman halo istoria mas agora sira nia oan ki’ak ba istoria ne’e problema boot,se inan –aman uluk halo istoria depois la hatene konta istoria ba oan sira ne’e dezastre ida Hanesan ai-hun ida nia tahan mak buras,nia fuan mak tebar mais nia abut la kaer rai metan ne’e problema boot” dehan nia
Entretantu Konferencia Nacional ho tema “Reparasaun nu’udar dalan ba dignifika vitima konflitu politiku nee hetan abertura husi Ministeiru ba Asuntus kombatentes Libertasaun Nacional (MAKLN) Ministru Gil da Costa “Oan Soru iha Antigo Comarca Balide.
Reportajem : Estajiadu Marito.
Foto : Estajiadu Marito