Dili, 21 Abril 2026 (Media Democracia)- Membru Falintil Forsa Defeza Timor-Leste (F-FDTL) halo agresaun fíziku hasoru membru Servisu Intelijénsia Polísia (SIP), na’in rua bainhira hala’o hela servisu hodi seguransa estrada ba Primeiru Ministru Xanana Gusmão ne’ebé halo vizita servisu ba munisípiu Bobonaro.
Kazu ne’e akontese tanba iha tentativa husi membru F-FDTL ne’ebé kondúz kareta atu soke membru SIP na’in rua, nune’e membru rua ne’e imediata duni tuir kareta refere to’o iha Liquiça nune’e mosu agressun fíziku husi Membru Falintil hasoru SIP iha momentu ne’ebá.
“ita-nia membru na’in rua halo hela sira nia servisu halo seguransa ba Estrada bainhira sua excelensia ba vizita ba Bobonaro tan ne’e sira asegura sira-nia knar ka tarefas maibé iha tentativa tanba kareta balun atu soke sira entau sira duni tuir kareta ne’e depois to’o iha fatin balun, ita nia membru F-FDTL balun hela iha fatin ne’ebá halo agresaun fisika hasoru sira na’in rua.”
João Belo dehan, hafoin hetan agresaun fíziku, membru SIP na’in rua ne’e tenta atu hato’o keixa ba sira-nia komandante maibé infelismente horseik vítima na’in rua hato’o keixa iha Diresaun Servisu Inveatigasaun Kriminál no dadaun ne’e proseau la’o hela.
Diretór DSIK ne’e informa, sei halo karta ba Komandante jerál PNTL atu nune’é bele enkamiña karta ba iha Komandu F-FDTL hodi informa kona-ba situasaun ne’ebé akontese.
“Ha’u hanoin nivel komunikasaun komandu rua lao diak tebes kada pessoal ida nia komportamentu tenke jere iha nivel komando, hanesan ohin ha’u dehan karta sei haruka no prepara ba komando jeral sei manda ka kart aba komando FFDTL hodi informa situasaun ne’ebé mak akontese.” Belo Informa
Nia afirma, kazu ne’e horseik DSIK rejista ona ho NUK: 0142/2006/DSIK, kazu ne’e rasik rejista ona iha ministériu públiku hodi identifika tuir problema ne’ebé akontese. Embora vítima na’in rua ne’e ho inisiál ZTS no BDS.
“Ita seidauk hetan inisial oknum sira ne’ebé mak baku maibe relasiona ba ida ne’e prosesu la’o daudaun identifika sei la’o I depois ita aprezenta wainhira hetan delegasaun kompetensia husi ministeriu publiku prosesu investigasaun sei kontinua la’o.” Nia Esplika
Bazeia ba deklarasaun husi membru SIP na’in rua ne’e katak, sira hala’o hela servisu ho sivíl hodi monitoriza atividade iha terrenu.
Entretantu bazeia ba informasajn ne’ebé media democracia asesu katak, karreta baskulante ida deskonfia transporta sasan kontrabandu husi Fronteira Batugade atu liu mai Díli.
Reportájen: Estefánia Cardoso
Foto: Estefánia Cardoso