Dili, 22 Abril 2026 (Media Democracia)- Aderito de Jesus Barros husi suku Lasaun, Posto-Administrativu Atsabe, Munisípiu Ermera daudaun hela iha Tasi Tolu buka moris hili lata aat hatoman sira atu esforsu buka moris.
Aderito de jesus hatete nia hahu hili lata aat husi servisu ne’ebe fo’er no todan bele fó moris ba sira hodi kontinua badinas hala’o atividade ne’e iha moris loro-loron maski hetan rendimentu ne’ebe ki’ik bele fó moris ba nia no familia
“Ha’u senti triste mai iha Dili tamba nesesidade moris susar tebes hanesan joven ida mai ho edukasaun ida no hare mós ba ita nia nesesidade, tamba iha area rurais edukasaun laiha hakarak ka lakoi tenki halai mai Dili hodi hala’o ha’u nia estudu no aproveita tempu balun hodi buka lata aat hodi sustenta nesesidade loro-loron ne’ebe presiza oinsá atu sustenta ita nia familia, ne’e mak hau nia intensaun mai iha Dili pontu rua hanesan mai iha dili tamba siénsia, iha foho laiha tamba nesesidade obrigatoriu tenki halao ita nia moris hodi la’o ba hili lata aat iha Dili laran. Inisiu alin bolu husi foho mai Dili ha’u lahatene mai atu halo saida entaun alin dehan ita ba Dili hodi buka moris husi lata aat tamba nesesidade obriga no la lakon vontade’’dehan Aderito Dejesus Barros iha Tibar
Nia afirma liu tan servisu ne’ebe todan maski lahetan osan barak maibe hetan osan ki’ik hatudu katak ema ne’ebe esforsu ba moris maski servisu hili lata aat ne’e simples maibe bele sai dalan ida atu ajuda familia nia nesesidade loro-loron.
“ha’u mai primeiru iha Dili hela iha Tasi Tolu hodi hala’o atividade negósiu, ha’u nia intensaun mai iha ne’e hili dalan rua se naran sai iha nivel universitáriu entaun ha’u kontinua eskola no hala’o negósiu se la sai ha’u nafatin hili lata aat ohin loron ha’u konsege hala’o prosesu aprendisajen la’o nafatin no iha tempu kalan kontinua ba hili lata aat maibé ami aproveita iha tempu kalan de’it tamba tempu kalan ne’e ami senti livre hale’u Dili laran hodi hili lata aat hanesan ha’u hatete katak iha lata aat ita hili iha tempu kalan ne’ebe ema soe sé iha loron ida ha’u iha inisiativa hari kios menus hela tamba esforsu rasik husi lata neebe hili tau hamutuk hodi loron atividades hari kios, maibe mininu mikro negósiu, kuandu iha rua se ida ita hili, ida tenki deskansa tamba edukasaun laiha limitasaun ba sé de’it depende ba ita nia nesidade de’it husi defamasaun ba ami realidade, dalaruma ita hili lata aat, ema balun hakribi ne’e laiha buat ida ne’e mak ita nia moris lakoi lakon vontade tamba moris sentimentu ema humanu mak la hanesan balun no balun laiha buat rua ne’e semre lao hotu husi rendimentu hili lata aat nia folin $.5.cent nee la sufisiente ba ita nia aan satan ba familia ne’e susar oituan” Aderito haktuir
Nia informa husu ba governu oinsá tau planu di’ak hasai povu ne’e husi funuravel maske la’os ha’u mesak maibe reprezenta sira hotu-hotu, fulneravél primeiru labele lakon vontade nafatin luta husu ba juventude sira nafatin defende ida-idak nian.
Reportanjen: Estajiada Bakhita
Foto: Estajiada Bakhita