Dili, 29 Abril 2026 (Media Democracia)– Porta-Voz PNTL, Superintendente Asistente, Mouzinho Correia informa, iha operasaun ne’e ekipa konjunta prende evidénsia sira no halo teste urina hatudu katak pozitivu uza droga inklui ekipamentus lubuk ida.
“Liuhusi teste urina ne’e ba sira na’in haat (4) ne’e pozitivu, ekipamentus sira ne’ebé uza ne’e ita hetan hotu sasan sira ne’ebé uza hodi konsumu droga ita liliu hanesan agua, piped ne’ebé uza hodi supa, eskeru ho tan buat balun ne’ebé naturalmente sira uza hodi konsumu droga ita iha hotu.” Dehan Porta-Voz PNTL, Superintendente Asistente Polísia Mouzinho Correia ba jornalista sira iha Kuartel Jerál PNTL Caicoli Dili.
Relasiona ho sidadaun estranjeiru na’in 5 ne’ebé iha loron (27/04) ekipa nonjunta halo operasaun ba atividade tranzasaun ilízitu droga ne’ebé konsege detekta kazu droga rua ho ema ne’ebé la hanesan.
“Primeiru iha dadersan investigasaun kriminál detekta kazu droga ho tipu ema uzu ida ne’e la haneaan ho ema fa’an, entaun iha dadersan ita konsege halo detensaun ba sidadaun estranjeiru na’in haat (4), mane rua (2) no feto rua (2), sira na’in haat (4) ne’e ita identifika no halo detensaun bainhira sira konsumu droga, kazu ne’e ita rejistu ona iha Ministériu Públiku ohin.” Nia haktuir
Nia dehan, depois de iha lorokraik ekipa konjunta identifika tan atividade droga balun tuku 20.00 kalan otl, ekipa konjunta realiza tan operasaun ba dala rua hodi halo detensaun dala ida tan ba sidadaun estranjeiru mane tanba komete halo tráfiku droga ilízitu iha rai laran.
“Entaun kazu rua ne’ebé ke la hanesan, suspeitu la hanesan, sidadaun na’in haat (4) ne’e husi sidadaun indonezia enkuantu ida seluk ne’e husi nasaun Xina nian, dadaun kazu rua ne’e iha hotu Ministeriu Publiku ita hein katak loron ida ka rua bele submete ba zulgamentu primeiru interogatóriu.” Nia informa
Superintendente Asistente ne’e dehan, depois halo ezame ba droga, detekta katak ne’e droga ho tipu Fentanel.
“Fentanel ne’e ita-boot sira hatene katak ne’e droga ida ne’ebé la’ós foun, ne’e klasifikasaun númeru un tuir lei númeru 2/2017 kona-ba lei droga Timor-Leste nian, atu hatete katak droga ida ne’e perigu tebes bainhira ema konsumu tanba nia miligrama ida de’it bele hamate ema barak bainhira sira komsumu liu ninia dosis ne’ebé iha.” Nia baktuir
Mouzinho informa, iha operasaun ne’e ekipa konjunta prende evidénsia sira no halo teste urina hatudu katak pozitivu uza droga inklui ekipamentus lubuk ida.
“Liuhusi teste urina ne’e ba sira na’in haat ne’e pozitivu, ekipamentus sira ne’ebé uza ne’e ita hetan hotu sasan sira ne’ebé uza hodi konsumu droga ita, liliu hanesan agua, piped ne’ebé uza hodi supa, eskeru ho tan buat balun ne’ebé naturalmente sira uza hodi konsumu droga ita iha hotu.” Nia hakotu
Enkuantu sidadaun estranjeiru na’in lima (5) ne’e agora dadaun iha detein hela iha Diresaun Servisu Investigasaun Kriminál, nune’e aban bele aprezenta ba tribunál Judisiál Primeira Instánsia Dili (TJPID) hodi halo Primeiru Interrogatóriu.
Reportajen : Estefánia Excar
Foto : Estefánia Excar