Dili, 29 Abril 2025 (Media Democracia)- Polísia Nasionál Timor-Leste (PNTL) liuhusi Diresaun Servisu Investigasaun Kriminál detein sidadaun Timor-oan feto ho naran inisiál PPDS ne’ebé deskonfia falsifikasaun dokumemtus Veteranus nian hodi hetan pensaun.
“Ne’ebé agora prosesu la’o hela, espera katak tempu badak aprezenta ba tribunal, sidadaun ne’e ha’u la temi nia munisípiu ne’ebé, maibé kazu ne’e nia deskonfia falsifikasaun dokumentus liu-liu nia dedikasaun no esklusivu nian, nia fasifikasaun ida ne’e hodi simu osan veteranus nian.” Dehan Porta Voz PNTL Superintendente Asistente, Mouzinho Correia ba Jornalista sira iha Kuartel Jerál PNTL Caicoli Dili.
Mouzinho informa, hafoin komisaun husi CCLN identifika bainhira sidadaun ne’e atu ba foti osan, nune’e mós keisa iha ministériu Públiku
“Depois de komisaun identifika katak, ida ne’e dadus falsu entaun autoridade balun hato’o keiza ba Ministériu publiku no ohin mandadu tribunal sai” Nia informa
Nia afirma, Bazeia ba autoridade nia keiza mak tribunal hasai mandadu detensaun mak ohin ba kaptura nia.
“Naturalmente ita sei asegura nia 72 oras depois mak aprezenta ba tribunal” Mouzinho informa
Superintendente Asistente ne’e subliña, Osan iha prosesu invetigasaun, maibé sidadahn ne’e sai suspeitu ba kazu falsifikasaun dokumentu veteranus nian.
Reportájen: Estefánia Excar
Foto: Eatefánia Excar