Dili 30 Abril 2026 (Media Democracia)-Sekretariu EstadouFormasaun Profisional no Empregu (SEFOPE) Hamutuk ho Konselhu Nasional Traballau (CNT), hodi realiza Selebrasaun loron Mundial Trabalhadores ho nia Tema “Hametin Dialogu sosial Liu husi negosiasaun koletiva hodi promove Trabalhadu Dignu iha servisu Fatin .
Tuir Sekretariu Estadu Formasaun Profisional no Empregu (SEFOPE) Rogerio Araujo Mendonça afirma atividade ohin hanesan atu promove ita nia trabalhadores sira iha Timor Leste.
“Kada tinan Sekretariu Estadu Formasaun Profisional no Empregu (SEFOPE) hamutuk ho konselhu nasional trabalhu sempre selebra loron 1 de Maio hanesan loron mundial ba traballadores sira, ita hatene katak traballadores sira mak sai hanesan heroi ba ekonomia dezenvolvimentu nasional ida ne’e. Aatividade ba loron ohin ita foka ba iha pontu rua pontu mak hanesan, primeiru maka fasilita atividade bazar baratu ba ita nia trabalhadores, nomos ba komunidade sira. Husi atividade ida ne’e oinsa promove ita nia trabalhadores sira ne’ebe mak hetan sira ninia vensimentu ne’ebé mak balun agora daudaun hetan salariu hanesan $115.00 dolares amerikanu, balun salariu bo’ot entaun modelu sira hanesan ne’e katak iha oportunidade mos ba sira bele mai kompra no asesu ba merkadu ida ne’ebé mak mais baratu ou mais asesivel ba nesesidade basiku nian.”Dehan Sekretariu Estadu Formasaun Prosisional no Empregu (SEFOPE) Iha Mercado Lama (29/04/2026)
Sekretariu Estadu ne’e mos afirma liutan, iha tinan 2026 se’i aumenta tan salariu husi $115.00 dolares amerikanu se’i sa’e ba $154.00 dolares amerikanu ou $160 dolares amerikanu.
“konsultasaun ho Ministeriu Finansas liu-liu ba estatistika ho Makroekonomia nia objetivu bele halo analiza fila fali ba iha salariu minimu ne’e wainhira kuandu aumenta fó implikasaun ba inflasaun iha railaran ne’e iha ka lae entaun parte estatistik ho makroekonomia mos fó rekomendasaun ne’ebe mak hatete katak merese ba salariu minimu ne’ebé mak halo revizaun husi $115.00 dolares Amerikanu ne’e bele aumenta ba iha $154.00 dolares Amerikanu ho ida ne’e parte Sekretariu Estadu Formasaun Profisional no Empregu (SEFOPE) ho Konsellu Nasional Traballu (CNT) ami prepara hotu ona supmete ba iha Ministeriu Koordenador Assuntu Sosiais (MECAS), nomos ba iha Primeiru Ministru ,no Prezidente Konsellu Ministru espera katak semana oin bainhira Primeiru Ministru fila fali husi rai liur marka Konsellu Ministru diskuti kona-ba salariu minimu hodi bele hetan aprovasaun nomos ida ne’e mak sei bele implementa iha tinan 2026, ne’e iha rekomendasaun husi estatistika iha $154.00 entaun lori ba diskusaun iha ne’eba mak ita hanoin katak nia mantein ho $154.00 dolares amerikanu ka aumenta tan ba $160.00 dolares Amerikanu ne’e iha alternativu ne’ebé mak parte dezisaun konsellu” Hatutan Sekretariu de Estadu
Loron mundial ba traballdores sira inportante tebes presiza valoriza traballador rai laran no estrajeriu sira mak sai hanesan heroi ba zesenvilvimentu ekonomia iha ita nia nasaun Timor- Leste.
Reportajen : Novita Soares / Baquita, Estajiadu
Foto : Novita Soares