Dili, 19 Maiu 2026 (Media Democracia)- Polísia Nasional Timor-Leste (PNTL) liuhusi komandante PNTL Munisípiu Dili, Komisáriu Asistente Polísia Orlando Gomes apela ba joven sira iha kapitál Dili atu fó liman ba malu hodi kontribui ba situasaun seguransa estavel iha kapital Dili.
“Mensajem ba publiku katak, loron besik ona ita atu Komemorasaun ba Loron Restorasaun Independensia Ba Dala-24 Anos iha dia 20 de Maio Tinan 2026, Komandu Munisipiu Dili apela ba joventude sira no joven poténsia sira, ita-nia joventude resistensia sira iha Kapital Dili, ita nia lider no lokal sira tomak no komunidade sira komandu husi para ita hotu kontribui no fó liman ba malu, apoiu malu para ita kria situasaun iha Kapital Dili la’o di’ak no susesu.” Dehan Komisáriu Asistente Polísia Orlando Gomes ba jornalista sira iha nia knaar fatin segunda ne’e
Nune’e, hodi festeza ita nia loron Restorasaun Independensia la’o ho di’ak no susesu. Tanba lorin ida nee loron povu nian tanba ne’e ita hotu kontribui para sutuasaun seguransa ne’e bele la’o ho di’ak.
Komandante PNTL Munisípiu Dili ne’e iha esperansa katak joven sira iha kapitál Dili iha Ona maturidade hodi servisu hamutuk ho Polísia NasionálnTimor-Leste no FALINTIL- Forsa Defeza Timor-Leste (F-FDTL) bele garante situasaun seguransa ho di’ak.
“Komandu Munisípiu Dili fiar katak, joven sira iha kapital Dili iha ona manturidade para servisu hamutuk ho polisia no F-FDTL ho ita nia parseiru sira hanesan konselu polisia komunitariu sira iha suku-suku para ita garantia ita nia situasaun seguransa di’ak, para ita komemora loron Resturasaun Independensia tinan ida ne’e lao ho di’ak no susesu.” Nia hakotu
Reportajen : Estefania Cardoso
Foto : Estefania Cardoso