Dili, 18 Maiu 2026 (Media Democracia)- Polísia Nasional Timor-Leste (PNTL) liuhusi komando Munisípiu Dili simu ona orientasaun ba diretivas operasional husi komandu Jerál PNTL hodi prepara halo operasaun seguransa ba loron Restaurasaun Independénsia 20 De Maiu Tinan 2026 ba dala 24, iha Tasi-tolu, hahú husi halo sosializasaun ba estudante sira iha eskola no ba kominidade sira.
“Komandu Munisipiu Dili ita halo preparativus seguransa ba loron Restorasaun nee, primerio ita halo sosializasaun ba ita nia estudante sira no halo dialogo ho komunidade sira para garante situasaun seguransa molok tama ba Komemorasaun Resturasaun Independensia nian, Ita halo patrolamentu lao ain iha bairo sira para garante situasaun seguransa iha Kapital Dili para ita hakat ba Loron Komemorasaun Resturasaun Independensia nian.” Dehan komandante PNTL Munisípiu Dili, Komisáriu Asistente Polísia Orlando Gomes ba jornalosta sira iha Nia kna’ar fatin Eskuadra Dom Aleixo Segunda ne’e (18/05/26)
Komandante Munisípiu Dili ne’e informa komandu iha ona planu seguransa ne’ebé sei envolve Unidade Espesiál Polísia (UEP), Unidade Polísia Marítima (UPM), ne’ebé hetan orientasaun husi Komandu Jerál PNTL hodi apoiu Komandu Munisípiu Dili hodi garante seguransa.
“Kolokadu ita nia membru sira iha trenu hahu horseik (17/05/2026) abertura ferias ba 20 de Maiu nian ho konsertu iha Tasi Tolu nomos ba expozisaun ba iha produtu lokal sira iha tasi tolu, Komandu Munisipiu Dili kordena ho komandante Unidade Espesial Polisia (UEP) iha Postu rua, postu ida ba Unidade Espesial Polisia (UEP) no postu iha ba Komandu Munisipiu Dili (KMD) iha Tasi Tolu atu nunee asegura seguransa iha Tasi Tolu durante atividade konsertu no espozisaun.” Dehan Nia
Nia realsa katak, koloka mós membru PNTL sira iba fatin serimónia 20 de Maiu, ne’ebé koloka iha fatin tolu hanesan, seguransa afestada, posima no besik serimónia nian.
“Besik seremonia para asegura serimónia importante ida nee lao ho di’ak tanba hetan vizita mos husi bainaka rai liur depois de 20 de maiu iha mos atividade ne’ebé presiza asegura didi’ak atu nune’e seguransa iha kapitál Dili ne’e bele la’o ho di’ak no susesu.” Orlando Gomes hakotu
Reportájen: Estefánia Cardoso
Foto: Estefánia Cardoso