Dili 19 Maiu 2026 (Media Democracia)- Sentru solidariedade Manufahi-oan iha Dili realiza komferensia imprensa hodi fo sai dadus ba inundasaun, rai halai hodi estraga uma, aihoris, animal, iha Munisipiu Manufahi, Kompostu husi Postu-Administrativu haat (4) hanesan Alas, Fatuberliu, Same no Turiscai, no parte seluk husu mos apoiu hodi fó solidariedade ba Vitima Sira.
Tuir Porta-voz Manuel da Costa Mesquita hateten Estende liman hodi fó apoiu voluntariu ho kualker tipu ajuda hanesan, iha situasaun ne’ebe susar tebes ba maluk afetadu sira iha kosta sul.
“Estende liman hodi fó apo|u voluntariu ho kualker tipu ajuda hanesan, iha situasaun ne’ebé susar tebes ba maluk afetadu sira iha kosta sul liuliu iha Postu-Administrativu haat (4) hanesan Alas, Fatuberliu, Same no Turiscai, ami labele nonok hodi hateke de’it ba terus ne’ebé sira simu daudaun. tan nee, liuhosi Sentru solidariedade Manufahi-oan iha Dili ami hato’o apelu no nakloke ba ita-boot sira hotu nia laran-luak hodi bele ita-boot sira hotu nia laran-luak hodi bele estende liman no fó kontribuisaun urjente. Ami husu tebes ita-boot sira nia kbi’it ajuda aihan sira hanesan Foos, produtu instante, sardina, no masin-midar, sasán nesesidade báziku hanesan roupa mos ne’ebé kualidade di’ak ba labarik no adultu kolsaun, Sabaun, pasta nehan, no pensu jiếniku ba feto, inklui mos ai-moruk baziku ne’ebé presiza urjente tebes iha baze”. Dehan Porta-voz Manuel da Costa
Nia afiirma tan katak Iha Dezastre naturais ne’e iha tipu rua ,ida rai halai no inundasaun, inundasaun kuaze akontese iha parte Same Vila sorin husi Betano ba to’o iha Kosta sul ba iha Alas.
“Dezastre naturais ne’e iha tipu Rua ,Ida Rai halai no inundasaun, inundasaun kuaze akontese iha parte Same Vila sorin husi Betano ba to’o iha Kosta sul ba iha Alas.Fatuberliu no erosaun ka rai halai ou rai monu ne’e iha Same Vila Suku Daisua total uma kain ne’ebé mak provizoriu dadus ami asesu husi Autoridade Protesaun Civil mak 32 total uma kain ne’ebe mak provizoriu ba uma kain ne’ebé mak afeta inundasaun ne’e iha 106 uma kain ida ne’e husi kedas Same ba to iha Fatuberliu ne’e dadus provizoriu ne’ebe mak ekipa asesu husi autoridade lokal no mos autoridade Autoridade Protesaun Civil.” Nia dehan
Aktualmente tuir dadus ne’ebe mak iha no informasaun ne’ebe mak asesu vitima sira hetan ona atuasaun urjenti husi parte Autoridade Protesaun Civil (APC) no mos Ministeriu Solidariedade Sosial (MSS) sira apoiu ona necesidade baziku. Maibé hanesan Manufahi oan bolu atensaun ba Manufahi oan sira hotu no mos la taka dalan ba publiku sira se de’it mak iha fuan hakarak atu apoiu Ita koko lolo liman ba malu para halo kaman tiha sofrimentu ne’ebe mak sira iha .
Alende ne’e kontaktu ativa ho Autoridade Munisipiu, Autoridade Protesaun Sivil no mos Ministeriu Solidariedade Sosial dadus ne’ebe mak iha ne’e protesaun civil nian mak simu ona no Ministeriu Solidariedade Sosial rasik oras ne’e ho ema sira se’i kontinua lao hela iha terenu hodi rekolha dadus, ne’ebe dadus foun ita kontinua atualiza nafatin.
Reportajen : Baquita/ Novita
Foto : Novita