Dili 25 Maiu 2026 (Media Democracia)- Reitór Universidade Nasional Timor Loro Sa’e (UNTL), hasoru malu ho Primeiru Ministru Kay Rala Xanana Gusmão iha Palasiu Governu, hodi ko’alia kona-ba prioridade UNTL nian iha tinan oin mai no fó apoiu governu nian ba universidade Publiku iha Timor Leste.
Tuir Reitor Universidade Nasional Timor Lorosa’e (UNTL), Juviano Antonio da Costa Hateten katak objetivu sorumutu ne’e atu apresenta estrutura UNTL nian ba Primeiru Ministru.
“Objetivu prinsipal sorumutu ohin ho Primeiru Ministru nomós estrutura Reitór UNTL nian tanba foin toma de pose iha 30 fulan Jeneiru 2026, no foin simu mandatu iha fulan 4 nia laran, tanba ne’e ami iha obrigasaun ida atu bele mai aprezenta ami nia estrutura ba Primeiru Ministru, nu’udar xefe governu ba nasaun RDTL nian” Dehan Reitor UNTL, Juviano Antonio da Costa iha Palasiu Governu (22/05/2026).
Reitor UNTL subliña sei update planu ba Desenvilvimentu UNTL no Mos Hato’o Relatorio audisional ne’ebe liga ho orsamentu Estado ne’ebe exekuta iha UNTL.
“Aleinde ida ne’e ami mos sei fó sai planu ba dezenvilvimentu UNTL durante ami nia mandatu ba Primeiru Ministru nomos informasaun relatoriu audisional balun ne’ebe liga ho orsamentu estadu ho orsamentu ne’ebe agora dadaun ami ezekuta iha UNTL. Planu orsamentu ba tinan oin,no planu sira ne’ebé ami prepara atu liga ba melloramentu kondisaun bazíku UNTL no dezenvolvimentu infraestrutura ba futuru. Ami aprezenta ba Primeiru Ministru atu bele konsidera planu sira ne’ebé ami prepara ba dezenvolvimentu UNTL ne’e rasik durante ami nia mandatu “ Hatutan Reitor UNTL
Reitor UNTL mos husu ba Primeiru Ministru atu apoiu, no kria Edifisiu foun ba Reitór no Reitoria UNTL ne’ebé Dignu.
“Importante liu ida maka melloria infraestrutura UNTL ne’e rasik n pontu importante ne’ebé ami aprezenta ba Primeiru Ministru, ami hakarak governu bele apoiu ami atu bele halo Edifisiu foun ida ba reitor no reitoria”. Nia Dehan
UNTL iha tinan oin ida ne’e mak ami hare ka kestaun infraestrutura sai urjenti atu kria reitoria foun ne’ebé dignu ba reitoria UNTL ne’e aprezenta ona se iha apoiu atu lori koloka iha Hera.
Melloramentu jestaun internal UNTL ne’e rasik persiza melhoria prosesu akedemika iha UNTL no presiza melloria rekursu humanu liu-liu dosente sira ne’ebé atu formal estudante sira iha UNTL ne’e para bele hasa’e sira nia kualifikasaun hodi bele tama ba Ita standar dosente sira iha ASEAN nomos iha mundu.
Reportajen:Novita
Foto :Novita