Dili, 01 Juñu 2026 (Media Democracia)-Ministru Defeza Kontra-Almirante Donaciano do Rosário Gomes “Pedro Klamar Fuik” simu audénsia husi Ministru Defeza Angola, João Ernesto dosSantos hodi hato’o protidaun kontinua haforsa kooperasaun militár ho Timor-Leste.
“Hanesan ita boot sira hatene katak Angola País amigo, País irmão iha ita-nia istória independénsia iha pasadu sempre hamutuk ho ita, tulun ita depois independénsia mós sempre hamutuk ho ita tulun ita fó apoiu estabelese kooperasaun ba dezenvolvimentu ba forsa armadas nian.” Dehan Ministru Defeza Pedro Klamar Fuik ba jornalista sira hafoin simu audiénsia Ministru Defeza Angola João Ernesto dos Santos iha Sala enkontru Bilaterál Ministériu Defeza Fatuhada segunda ne’e.
Prezensa Ministru Defeza Angola João Ernesto dos Santos iha Timor-Leste ho objetivu atu partisipa enkontru reuniaun Ministru Defeza ba dala-25 ne’ebé hala’o iha Dili.
“Señor Ministru mai fila fali iha okazisaun ida ne’e partisipa iha reuniaun.” Nia dehan
Governante ne’e hateten, iha okaziaun ne’e ho nia omologu hodi diskute kona-ba renovasaun portofoliu kuadru kooperasaun Angola no Timor-Leste ne’ebé iha ona.
“Haree fila fali mós portofoliu relasiona ho kooperasaun ne’ebé mak sei haree sei asina iha tempu badak ba kooperasaun entre entre rai rua entre Timor-Leste ho Angola”, nia afirma.
Iha fatin hanesan, Ministru Defeza Angola João Ernesto dos Santos hsteten, nia too iha Dili horseik hodi partisipa runiaun Ministru Defeza CPLP dala rua nulu resin lima (25), nian, no mós atu halo diálogu ho Forsa Armada Timor-Leste, loloos nian ho Ministériu Defeza.
“Iha enkontru ohin ne’e ami ko’alia kona-ba halo revizaun ba akordu kooperasaun ne’ebé iha ona, tanba tempu liu tiha ona. Ita hotu hatene dinamíka moris nian no mós situasaun jeopolítika internasionál ne’ebé muda hela. Nune’e ami iha obrigasaun atu aserta ami-nia pasu atu nune’e labele husik ami iha kotuk.” Dehan Ministru João Ernesto dos Santos
Nia dehan, iha akordu kuadru kooperasaun militár Angola ho Timor-Leste define fali buat sira ne’ebé presiza atu hadi’a.
“Hafoin ne’e, pasa ba implementasaun atu di’ak ba ami-nia povu, ami-nia integridade territoriál, no ba komunidade povu sira ne’ebé ko’alia lian Portugés.” Nia hakotu
Reportajen: Estefania Cardoso
Foto: Estefania Cardoso