Dili, 22 Juñu 2026 (Media Democracia)- Primeiru Ministru Interinu, Mariano Assanami Sabino, Vise- Primeiru Ministru, Ministru Kordenadór Assunto Sosiais no Ministru Dezenvolvimentu Rural no Habitasaun Komunitária, lori gobernu RDTL deklara lutu nasionál ba Falesimentu Eis Prezidente RDTL no Prezidente Partidu FRETILIN Francisco Guterres Lú-Olo ns’ebé husik ona jornada moris iha Malázia.
“Horikalan ita rona notísia ida ne’ebé ita rona tristeza tebes ba ita-hotu, ita lakon ita nia lutadór ida ne’ebé hakotu iss iha Malazia. Ita hotu sente lakon kompratiota ita nia kamaradazem no ita nia komandante no Governu ho lideransa ministru nia orienta atu organiza Avião espesia neebe aban too iha ne’e.” Dehan Primeiru Ministru Interinu Mariano Assanami
Xefe Governu Interinu, reprezenta Nonu Governu Konstituisional hato’o kondelésia kle’an ba família boot partidu Fretelin no povu timor-leste.
“Ita hotu sentelakon no ita-hotu nia orasaun importante, korajem ba familia oan-sira para mantein firme, estuda aprende nafatin hakat sira nia aman nia ain fatin. Korajem ba familia no ita-hotu nia orasaun akompania maun Lu-olo nian klamar ba iha Na’i nia sorin.” Hatete Assanami
Vise-IIPrimeiru Ministru informa, governu sei aluga aviaun Aero dili hodi tila espesiál ba Maktoban ho nia Família de’it.
“Ita uza avião Euro Dili mais ida nee aluga espesial neebe ema seluk la sae avião nee so familia hamutuk ho mate isin.” Dehan Nia
Iha biban ne’e, Ministériu Asuntu Kombatentes Libertasaun Nasional, Gil da Costa Monterio “oan Soru” sente lakon lideransa ida ne’ebé luta hamutuk durante tinan 24 nia laran.
“Hanesan Veteranos sente lakon lideransa ida, lideransa neebe mak luta duranta tinan 24 hamutuk ho nia povu nunka hakruk ba politika invazor sira nian too Timor-Leste nia independensia. Ita haree ba restoransaun independensia 24 koresponde ho luta libertasaun ou luta patria 24 neebe nia husik ona ita.” Dehan Ministru Oas Soru
Gil Oan Soru hatete, Lú-Olo sofre moras no ba halo tratamentu iha malázia semana 3 resin, ne’ebé aban mak foin halo kompleta fulan ida tratamentu iha ne’ebá.
“Maun Lu-olo matebeia nia sofre moras ba halo tratamentu aban mak foin halo fulan ida nia sai husi Dili iha dia-23 de Maiu no horikalan ita-rona Notisia oin seluk. Ida nee mak destino.” Nia hatete
Ministru Asuntu Veteranus ne’e, husu ba família liliu espoza maktoban Eis Prezidente atu labele hanoin barak tanba estadu iha dever moral atu responsável.
“Mana Sidalia lalika hanoin barak tanba estadu iha dever moral no hanesan ministériu iha responsavel tomak ne’ebé aban akompania Maun Lu-olo nia mate lori mai to’o iha aeroporu lori ba nia residensia.” Nia adianta
Governante ne’e sei ba iha rezidénsia maktoban nian hodi orienta buat balu iha residensia farol.
Reportajen: Estefania
Foto: Estefania