Díli, 7 Jullu 2026 (Media Democracia) – Media Democracia kontinua fó oportunidade ba juventude sira atu dezenvolve kapasidade profisionál liuhosi programa estajiu. Iha semana ne’e, Media Democracia simu estajiáriu foun husi Universidade Oriental Timor Lorosa’e (UNITAL), Fakuldade Siénsia Sosiál no Polítika (FSSP), Departamentu Komunikasaun Sosiál.
Estudante hamutuk ema na”in lima komesa estajiu profisionál iha Media Democracia durante fulan ida, kompostu husi feto na’in ida no mane na’in haat. Programa estajiu ida-ne’e hakarak fó oportunidade ba estudante sira atu aplika koñesimentu teóriku ne’ebé aprende iha universidade ba servisu jornalizmu no média iha ambiente profisionál.
Aleinde ne’e, Media Democracia mós simu formandu sira husi Sentru Formasaun Grace for Development (GFD), atu hala’o estajiu durante fulan rua. Estajiu ida-ne’e realiza hanesan parte husi prosesu formasaun atu prepara partisipante sira sai prontu tama ba mundu servisu.
Media Democracia instituisaun sei kontinua loke odamatan ba estudante no juventude sira ne’ebé hakarak aprende no aumenta esperiénsia iha área komunikasaun, jornalizmu no média dijitál.
Liuhosi programa estajiu ne’e, Media Democracia espera katak estajiáriu sira bele hetan esperiénsia pratiku, hametin sira nia abilidade profisionál no kontribui ba dezenvolvimentu setor média iha Timor-Leste.
Reportajen :EKIPA MD
Foto: EKIPA MD