Dili, 15 Jullu 2026 (Media Democrasia )- Governu Timor-Leste sei selebra Komemorasaun Loron Nasionál Funsaun Públika tinan 2026 iha Gleno, Munisípiu Ermera. Selebrasaun ne’e atu fó apresiasaun ba kontribuisaun funsionáriu públiku sira iha fornese servisu ba povu no hametin komitmentu hodi hadi’a qualidade administrasaun públika iha nasaun.
Diretór Provedoria Direitus Umanus no Justisa (PDHJ), Virgílio da Silva Guterres, hatete katak iha tinan ida ne’e, iha instituisaun haat mak simu responsabilidade atu organiza no hala’o Komemorasaun Loron Nasionál Funsaun Públika. Instituisaun sira ne’e servisu hamutuk hodi asegura selebrasaun ne’e lao ho di’ak no atinje objetivu atu valoriza kontribuisaun funsionáriu públiku sira ba dezenvolvimentu nasaun.
“Representante Husi instituisaun 4, bazeia ba kooperasaun kuadrilateral, iha tinan ida ne’e instituisaun haat mak simu responsabilidade atu organiza Komemorasaun Loron Nasionál Funsaun Públika. Instituisaun sira ne’e mak Provedoria Direitus Umanus no Justisa (PDHJ), Komisaun Funsaun Públika (KFP), Inspetór-Jerál Estadu (IGE) no Komisaun Anti-Korrupsaun (KAK). Hanesan ita hotu hatene, tinan-tinan ita komemora Loron Nasionál Funsaun Públika iha loron 15 Jullu. Ba tinan ida ne’e, responsabilidade organizasaun selebrasaun ne’e iha instituisaun haat ne’ebé hamutuk iha kooperasaun kuadrilateral,” dehan PDHJ, Virgílio da Silva Guterres ba jornalista sira iha edifísiu KFP, Caicoli, tersa-feira (14/07/2026).
Nia afirma liutan katak, komemorasaun Loron Nasionál Funsaun Públika tinan ida-ne’e sei la hala’o iha loron 15 Jullu hanesan baibain. Komemorasaun ne’e muda ba loron 25 Setembru 2026 no sei realiza iha Gleno, Munisípiu Ermera
“Ohin ami halo konferensia infrensa atu hato’o pontus importante balun relasiona ho komemorasaun loron funsaun públika ninian, primeiru atu fó hatene ba intedade públiku sira katak liuliu ba funsionario, loron nasionál funsaun públika ninian hanesan baibain loron nasionál funsaun públika ninian halo ita atu komemora haksolok, sira ne’e halo parte husi ita nia reflesaun instituisional no mós reflesaun pesoal ba funsionariu públiku ida- idak kona-ba saida maka ita halo ona ba Administrasaun Públika atu servi ita nia sidadaun sira , Tanba ne’e tinan ida-ne’e komemorasaun koletiva labele halo maibé ami deside komemorasaun koletiva ne’e Atu hala’o hanesan (acara puncak) komemorasaun ne’e sei monu iha dia 25 Setembru iha Gleno” Nia haktuir.
Nia Relata alteira selebrasaun loron nasionál Funsaun Públika nian tanba iha sei iha preparasaun atu simu urna Amo Bispo nian no mós sei iha lutu nasionál.
“Razaun ami alteira ne’e tanba periodu preparasaun ne’e iha eventus barak ida maka lutu nasionál kona-ba ita nia eis-Prezidente Repúblika dr. Francisco Guterres (Lu’-Olo) segundu ita sei iha preparasaun atu simu urna amo Bispo husi Dom Martinho no Dom Jaime Grace devolar mai husi li’ur. Depois ami halo komunikasaun ho entidade ne’ebé responsavel ba ida ne’e katak husi fin de Agostu no 10 Setembru ita sei konsentra hodi simu urna ita nia Bispo sira nian. enkontru altu nivel entre entidade 4 ne’e Prezidente Komisaun Funsaun Públika, Komisario KAC, Inspetor-Jeral Estadu ho PDHJ ne’ebé iha semana kotuk ami deside atu hadia loron komemorasaun ou pontu kulmunante ba fali dia 25 Setembru.”Nia afirma
Atu fó hatene ba entidade sira komisaun organizadora sei kontinua hela tanba eventus desportivu ba konkerensia grupu korais sei la’o, iha tempu ne’ebé ita alteira sei fó espasu atu organiza didiak. Iha dia 25 Setembru ita hamutuk iha Gleno atu komemora loron funsaun públika ninian
Nia afirma tan fó hatene ba intedade hotu aban entidade ida-idak bele komemora loron Funsaun Públika tuir ida-idak nia kapasidade no intensaun bele halo limpeza jerál, husu missa, vizita jardín dos eróis.
Reportangen : Joanita / Delfiano Etajiariu
Foto : Delfiano