Dili, 27 Jullu 2026 (Media Democracia)- Polísia Nasional Timor-Leste liuhusi Unidade Polísia Marítima, Diresaun Servisu Investigasaun Kriminál hamutuk ho Servisu Migrasaun, F-FDTL no Ofisiál Ministériu Públiku foti ona sasan kontra bandu iha portu Dili hafoin Komunidade lokal, PNTL Baucau no F-FDTL Prende no kaptura Sidadaun Xineza uza Bandeira Indonesia hatama sasan ilegál iha Seiçal, Laga Munisípiu Baucau Domingo ne’e. (26/07)
Sidadaun xineza hamutuk na’in 6 ne’e uza bandeira Indonezia tula Sasan kontra bandu hanesan sigaru besik kontainer ida liu inklui mina.
Oras ne’e dadaun Sidadaun hirak ne’e PNTT asegura ona inklui mós sigaru no sasan evidénsia seluk ne’ebé ohin mais ou menus tuku 11.00 liu Ró ho naran Famara Jaya Utama sai husi Baucaun no atraka iha Portu Dili, nune’e ekipa DSIK no Ofisiais PJR asegura ona sasan evidénsia hirak ne’e no sei lori ba aprezenta iha miniatériu Publiku.
Ro ho naran Famara Jaya Utama ne’e ho bandeira RI tula sigaru ilegál kontainer ida liu ho marka hanesan, C15,C14,C11,C29,C17,C26,C12,E8,C24, no dadaun nee UMP ho Komponente Naval Forsa Defeza Timor-Leste (F-FDTL) , Servisu Migrasaun (SM) nomos ekipa sira seluk hatun ona sigaru ilegal nee.
Tuir fontes Sekreta hatete katak, Ró ne’e ho bandeira Indonezia maibé iha laran sidadaun indonesia laiha, Xhina sira mak uza hodi tula sasan hirak ne’e.
“Ita haree Roo nee Bandeira Indonesia maka hamrik iha leten ,maibe iha laran nee sidadaun Xineza maka barak liu, no roo laran nee sigaru ilegal besik kontainer ida resik maka iha laran.” Dehan fontes sekreta iha Portu Dili, segunda ne’e (27/07).
Nia informa katak, Sigaru ne’ebé hatama ilegal mai ne’e fan iha Timor karun no babain Xineza sira no Malae sira mak fuma.
Entretantu notísia ne’e tun Seidauk iha konfirmasaun ho Porta Voz PNTL tanba dadaun ne’e Porta Voz PNTL Superintendente Xefe Polísia João Belo dos Reis tanba Hala’o hela viajen servisu iha Bali Indonesia.
Reportajen : Estefania Cardoso
Foto : Estefania