Dili, 27 Jullu 2026 (Media Democracia)- Diresaun Tranzitu Munisípiu Dili hamutuk ho ekipa konjunta kompostu husi SEATOU, DNTT, MOP no Autoridade Munisípiu Dili nomós Unidade Espesiál sira halo operasaun konjunta ba transporte ne’ebé para la tuir regras tranzitu nian, operasaun ne’e hala’o iha Sábadu kalan iha área Ponte BJ. Habibie to’o iha Culu-Hun.
Operasaun ne’e haree ba kareta no motor sira ne’ebé para la tuir regras nunee, ekipa husi DNTT no Tranzitu Dili sobu sai plat kareta no motor balu asegura ba iha DNTT nia edifísiu, balun asegura iha Komandu Munisípiu Dili tanba espasu la too.
“operasaun hahu husi ponte Bejehabibie too kuluhun, motor ho kareta neebe para iha trotoa leten sira nee ,kareta ita sobu plat motor nain laiha ita sobu deit plat no motor nain iha ita lori mai iha komandu munisipiu dili.” Dehan Komandante Tranzitu no rodaviária munisípiu Dili, Superintendente Asistente Polísia, Delfim da Silva ba jornalista sira iha Komandu Munisípiu Dili segunda ne’e (27/07)
Transporte hirak ne’ebé sabadu kalan ekipa halo operasaun no asegura motor hi xapa matrikula ne’e ohin hahú ina distribuisaun ba transporte na’in sira bainhira kumpri ona prosesu administrasaun no selu ona koima iha Banku.
Ba transporte hirak ne’ebé DNTT asegura, sei hein pasa reseitas hodi mai aprezenta iha komandu munisipiu Dili hodi pasa reseitas atu nune’e bele ba selu iha banku hafoin lori hikas resibu ba aprezenta iha komandu mak foin entrega fali motor no sapa matríkula ba nain.
Superintendente Asistente Polísia ne’e dehan durante operasaun ne’e ekipa la asegura kareta maibé prende deit Xapa matríkula.
“motor sira neebe nain iha ita sobu deit nia plat no motor neebe nain laiha ita lori motor sira nee balu para iha KMD no balu iha DNTT.” Nia afirma
Nia informa, motor ne’ebé asegura iha Komandu PNTL Munisipiu Dili total hamutuk 25 nomós Xapa Matrikula lubuk ida, nune’e bainhira motor nain selu tiha imprensaun iha banku mak sira bele foti fali motor.
Delfim Esplika, kona-ba selu koima ba kareta no motor, depende ba nia grau, bainhira xapa matríkula laiha kontra sinais tranzitu no dokimentus laiha nia milta ba koima la hanesan.
“sapa matrikula selu $45, kontra sinain selu $45, motor para sala selu $45, motor espelu laiah selu $45 maibé depende ba grau iha operasaun nee, operasaun ba mak motor sapa matrikula, espelu no dokumentu motor laiha seluk barak ezemplu motor sapa matrikula laiha selu $60.” Nia hatete
Nia mós apela ba komunidade sira ne’ebé iha kareta no motor tenke para iha nia fatin, labele para iha fatin publiku okupa estrada no kontra sinais tranzitu.
Nia informa katak operasaun sei kontinua nafatin, nune’e iha tempu badak sei halo mós operasaun ba too iha bairu laran sira.
Komandante Tranzitu no rodaviaria Munisípiu Dili ne’e afirma Operasaun Iha sabadu kalan ne’e Sekretariu Estadu Asuntu Toponimia no Organizasaun Urbana ne’e lidera deit ekipa tanba antes ne’e iha semana kotuk realiza ona enkontru hodi forma ekipa halo operasaun nune’e iha operasaun ne’e hala’o akompaña husi segundu komandante munisipiu dili, komandante operasaun, komandate tranjitu nomos komandante ekipa UEP.
Reportajen : Estefania Cardoso
foto : Estefania