Dili, 30 Jullu 2026 (Media Democracia)– Tribunal Judisiál Primeira Instánsia Dili (TJPID), kuarta horseik (29/07) halo interogatóriu dahuluk ba arguidu na’in-hitu ne’ebé hatama sigaru ilízitu kartun 2.583 iha parte Seiçal munisípiu Baucau.
Iha prosesu primeiru interogatoriu TJPID deside aplika medida koasaun Aprezentasaun Periodika (AP), medida Proibisaun Auzensia (PA) no Medida koasaun Termu Identidade Rezidensia (TIR) ba sidadaun Estranjeiru nain-neen (6) no nain-ida (1), hetan medida koasaun TIR, tanba fora hosi flagrante delitu, ba kazu deskonfia Ro Ilegal tula sigaru hamutuk karton 2,583 iha Baukau
Iha interogatórou dahuluk ne’e, ministériu públiku ne’ebé reprezenta husi prokuradór Matias Soares promove arguidu na’in-hitu ho krime 3 hanesan Fraude Fiskál ne’ebé previstu iha artigu 314, Importasaun no exportasaun ilízita ba bens ka merkadoria iha artigu 315, Kontrabandu iha artigu 316 tuir Kódigu Penál Timor-Leste nian.
Iha prosesu Primeiru Interogatoriu ne’e, Tribunál halo tiha identifikasaun ba arguidu nain-hitu (7), Tribunal deside kontinua tama ba alegasaun Ministériu Públiku no Defeza nia, tanba arguidu sira hili direitu nonok.
Nune’e iha Alegasaun Ministériu Públiku nia, husu Tribunál atu aplika medida koasaun Prizaun Preventiva (PP) ba arguidu nain-hitu, tanba arguidu sira deskonfia uza Ro Ilegál hodi halo operasaun iha nasaun Timor-Leste.
Advogadu privadu ba arguidu na’in-hitu, Napoleão de Oliveira Carvalho husu ba tribunal atu aplika medida aprezentasaun periódika no proibisaun auzénsia ba arguidi na’in-lima.
“Ba arguidu ida Cheng chau Kung ne’e ha’u husu TIR de’it tanba ninia detensaun ne’e ilegal tanba fora de Fraglante Delitu, hakarak ka lakohi iha mandadu mak foti, sein mandadu labele, so ida ne’e mak ohin ha’u husu.” Dehan advogadu privadu Napoleão ba jornalista sira hafoin julgamentu iha Tribunál Judisiál Primeira Instánsia Dili kuarta ne’e (29/07)
Nia parte la husu kausaun tanba haree ba iha grau de kulpa maibé husu medida proibisaun Auzénsia no aprezentasaun periódika.
“Despaisu tribunál tun mai mak ne’e ba arguidu sira hamutuk na’in-7, ba arguidu na’in-6 aprezentasaun periódika kada sesta ho proibisaun de auzénsia ba arguidi cheng chau khung hanesan aplika TIR de’it tanba detein nia fora de Fraglante Delitu sein mamdadu detensau, quer dizer detensaun ilegál ne’e mak aplika de’it TIR ba nia.” Nia informa
Advogadu privadu ne’e dehan medida ne’ebé nia husu adekuadu tanba desizaun tribunal ne’e la’os alat pemuas, desizaun mak hanesan ne’e.
Enkuantu sasan sira ne’e (evidénsia) nia prosesu sei la’o no sei remete ba iha Tribunál Distritál Baucau tanba haree ba área jurídisaun.
Iha prosesu Primeiru Interogatóriu ne’e prezidi husi Juiz Turnu, José Quintão, Ministériu Públiku reprezenta Prokuradór Titulár Matias Soares no arguidu sira hetan asisténsia legál husi advogadu privadu Napoleão de Oliveira Carvalho
Reportajen : Estefania Cardoso
Foto : Estefania