Dili, 10 Agustu 2026 (Media Democracia)- Mákina CT-SCan iha Ospitál Nasionál Guidu Valadares avaria kuaze fulan ida ona, nune’e pasiente sira labele kontinua halo tratamentu.
Tuir informasaun husi fontes konfirmadu hatete katak, mákina CT-SCan ne’e la halo ona operasaun kuaze fulan ida resin ona.
“Makina CT-Scan avaria fulan ida ona, tanba ne’e pasiente sira ne’e mak atu halo tratamentu ba CT-Scan la bele kontínua halo tratamentu iha Hospoitál Nasionál Guido Valadares.” dehan fontes konfirmadu ba Jornalista sira iha resintu HNVG, Segunda (10/08)
Nia dehan makina CT-Scan antes ne’e halo operasaun normal hela maibé foin dadauk mak avaria, entaun pasiente sira labele halo tratamentu hodi Check sira-nia moras kauze fulan ida ona.
“Sim, pasiente sira mós la mai ona fulan ida tanba makina avaria ne’e, sira mai atu halo tratamentu maibé makina ne’e aat.” Nia afirma
Tuir observasaun jornalista Media Democracia iha terrenu katak, dadaun ne’e mákina CT-SCan avaria no la hala’o operasaun, aleinde ne’e iha sala Unidade Komputer Tomografia Scan (CT-SCan) nia oin laiha pasiente tur iha oin hodi halo checkup tanba mákina avaria.
Molok ne’e Ministra Saúde Élia dos Reis Amaral hatete,kona ba makina CT- Scan ne’ebé mak dadaun iha Hospoitál Nasionál Guido Valadares, kauze iha tinan neen nia laran ona.
“Ita ita mós iha tinan ita hola ona makina CT- Scan ne’ebé sei prosesu mai, atu nune’e bele troka fali ho makina foun ne’e, maibé barak maka ita hatene reazente la iha, iha time bee iha CT-Scan rasik mós dez vez kuandu la prodúz ona, ita onestu maibé ita tempu badak nian laran ita sei monta CT-Scan foun ne’ebé mak ita aloka husi orsamentu 2026 nian.” Nia Konklui.
Reportájen: Estefánia Cardoso
Foto: Estefánia Cardoso