Díli, 16 de Junhu 2026 (Media Democracia)- Asosiasaun Defisiénsia Timor-Leste ADTL hala’o enkontru trimestral ba dala XXVIII ho tema “Hamutuk Haforsa Lian Ema ho Defisiénsia” enkontru ne’e reúne membru sira husi munisípiu hotu hodi avalia serbisu trimestre kotuk nian, fahe esperiénsia, no diskute estratéjia oinsá bele hametin partisipasaun no inkluzaun ema ho defisiénsia iha prosesu dezenvolvimentu nasionál iha loron segunda semana ne’e (15/06).
Tuir Diretór ezekutivu Asosiasaun Difisiénsia Timor Leste (ADTL) Cesario da Silva hateten enkontru trimestre ne’e hare liu ba dezenvolvimentu institusionál ADTL nia papel importante ida atu apoiu membru organisasaun sira.
“Enkontru trimestre ohin Ami hare uluk ba dezenvolvimentu institusional ADTL nian papel importante atu apoiu membru organizasaun liuliu dezenvolvimentu institusional ami halo ona investimentu Ida depois se’i lansa investimentu ne’e investimentu Kona ba kapasidade membru organisasaun, entaun ADTL Nia membru Sira husi Relatoriu ne’e hatudu katak hahu iha kapasidade naton intermus de jestaun organisasaun iha membru ne’ebe iha kapasidade naton atu bele tulun fali membru Sira seluk.”
Nia mos salienta katak ADTL mós identifika membru sira ne’ebé presiza duni akompañamentu husi ADTL ho mekanismu ne’ebé mak iha.
“Ami mós identifika membru balun ne’ebe presiza duni akonpañamentu husi ADTL no ami halo mekamismu ida atu hatan membru Sira, entaun ami buka membru sira ne’ebé mak kapasidae forte bele apoiu fali ba membru Sira ne’ebe Mak hahu atu La’o liuliu intermus de dezenvolvimentu institusional nian.” Dehan Diretor ezekutivu Asosiasaun difisiensia Timor Leste (ADTL) iha Salaun MTC (15/06/2026).
Aleinde mós Diretór exekutivu ADTL afirma katak politika forte hahu husi konstituisaun RDTL iha artigu 21 ne’ebé ko’alia kona-ba direitu ba ema ho difisiensia sira, tenke introdus politika oioin no ratifika konvensaun ba direitu ema ho difisiensia.
“Relasaun ho dezenvolvimentu asuntu inkluzaun difisiénsia Timor Leste susesu ne’ebe Ami bele dehan liuliu implementasaun ne’e ita iha politika ida ne’ebe forte tebes hahu husi konstituisaun RDTL artigu 21 ne’ebe introdus kona-ba direitu ema ho difisiensia nian ita hahu introdus politika oioin aleinde ne’e ita ratifika konvensaun ba direitu Ema ho difisiensia susesu ne’ebe ita hare por exemplu ohin loron ema hotu iha hanoin katak ema ho difisiensia ne’e importante iha prosesu dezenvolvimentu nasional nune’e sociedade barak hahu ko’alia kona-ba direitu Ema ho difisiensia” Afirma Diretor exekutivu Asosiasaun difisiensia Timor Leste ADTL.
Iha sorin seluk Diretor ezekutivu Fundos Desenvolvimento Capital Humano (FDCH) Julio Aparicio hateten la aseita ho liafuan ne’ebe dehan difisiente tamba Ema hotu hotu Hanesan deit.
“Ami hanoin ne’e sira nia direitu ita tenke haree ema hotu hanesan ita hotu hanesan de’it ha’u ladun aseita ho liafuan sira ne’ebé dehan difisiensia maibé ita hotu ne’e ho ninia difisiensia tanba ha’u lakoi koalia ida ne’e ha’u hakarak desde ha’u nia mandatu kuandu ha’u tama hanoin ho difisiensia tanba ne’e mak iha 2024 ami halo planu orsamentu iha ne’eba Bolsu estudu ba ema ho difisiensia ne’e sira mak dehan ha’u ne’e ema hanesan de’it tanba ne’e mak tinan ida ne’e 2025 ami aumenta tan vaga ruanulu ba ema ho difisiensia maibé ami sei proposal ne’ebé ami simu kuandu iha posibilidade ami bele tau matan no ba oin hanesan realidade ne’ebé organizasaun difisiensia sira halo” hatutan Diretor exekutivu FDCH Julio Aparicio
ADTL se’i koloka asuntu prinsipal sira bolu atensaun membru sira nian atu tau hamutuk liuliu unifika forsa hodi halo advokasia de konjunta ba direitu Ema ho difisiensia Sira nian, entaun periodu ida ne’e enkontru ba dala 28 ne’e membru sira mai diskute kona-ba prioritariu saida mak presiza duni atu advoka no kontinuasaun advoka liuliu ba asuntu inkluzaun difisiensia Timor Leste nian.
Reportajen: Novita Soares/Leozalia Oliveira
Foto: Novita