DILI, 26 Agostu 2026 (Media Democracia) – Centro de Estadu de Género, Diversidade e Inclusão (CEGDI) realiza seminariu hodi komemora loron Falintil 20 de Agostu no konsulta populár 30 Agostu ho tema “husi Rezisténsia ba konstrusaun nasaun: ligadu Duravel veteranu ba paz, demokrasia no lideransa inklusivu”, iha salaun audutoriun FCSP-UNTL Caicoli
Tuir orador Exeléntissimo Tenente General Domingos Raul Falur Rate Laek iha nia diskursu hatete konsolidasaun ba dame moris iha Timor Leste la moris husi dekreitu no la mantein nia aan rasik maibé rekonsiliasaun mak pratika loroloron liuhusi respeitu hamutuk ho dame mak resposabilidade koletiva ne’ebé pertensia ba sidadaun no ukun nain sira.
“Konsilidasaun ba dame ohin loron ita moris iha Timor-Leste la moris husi dekretu no mós la mantein nia aan rasik ne’e kontrusaun loroloron, balun husi eskola konkretu, falintil moris atu liberta terretoriu, F-FDTL ohin loron eziste atu konsolida liberdade liuhusi estabilidade disiplina no serbisu instituisional tranzisaun ida ne’e ba forca armada modernu profissional ne’ebé servi ba patria hanesan aktu ida ita hari’i dame nian no aprende estadu dignu ida la omilia nian heroi sira ne’e moris ka mate mos rekonsiliasaun mak pratika loroloron liuhusi respeita hamutuk no dame mak responsabidade koletiva ne’ebé pertensia sidadaun sira feriadu ka akademika sira ba ukun na’in sira”. Dehan Exeléntissimo Tenente General Domingos Raul falur Rate Laek iha salaun audutoriun FCSP-UNTL Caicoli, kuarta-Feira semana ne’e.
Nia subliña katak luta libertasaun nasional husik hela mai mak nunka iha Eroi izoladu iha mak povu tomak reziste Timoroan hotu-hotu la haree ba partidu ka pensamentu ne’ebé sira depende, ema hotu-hotu rai ne’e nia oan unidade hanesan ne’ebé hari’i iha ai laran foho lolon ohin loron hotu resposanbilide atu preserva iha instituisaun sira familia no universidade sira.
Tenente General ne’e hatutan povu ida ne’ebé lahatene pasadu rasik maka povu ida ne’ebé vulneravel no sai hanesan frakeza ida ne’ebé Timor Leste husik hela
“povu ida ne’ebé lahatene pasadu rasik maka povu ida ne’ebé vulneravel no sai hanesan frakeza ida ne’ebé Timor Leste husik hela ne’e iha forca armada nia laran rasik ita investe ona iha tradisaun koñesementu iha ita nia zerasaun sira liu husi programa formasaun ba komandante foun sira ne’eb’e hanorin husi veteranus no luta nain rasik”. Dehan falur Ratelaek
Alem ne’e professor Antero Benedito da Silva hatete joven mak jerasaun foun no neon moris hodi hatene peskiza no estuda ba historia memoria pasadu lutador sira nian liliu ba falintil tamba ema barak mak mate ba funu tamba atu defende dignidade nasaun nian
“Timor oan sira liuliu joven sira nafatin vizilante ita tenke neon moris halo peskiza estuda makas i hateke ba do’ok hateke ba futuru no tinan atus ida mai i tinan rihun rua mai ita nia nasaun sai oinsa ezistensia ita nian. Ita nia zerasaun ba jerasaun ne’ebé futuru ninian depois apela ba joven sira atu mantei memoria passadu luta dor sira nian liliu falintil ema barak mate tamba funu defende ita nia dignidade humana hanesan povu ida, tamba ema hakarak tentativa omesidu hasoru ita, maibé la konsege no transfoma nia vida liu husi fé no ciensia”. Esplika professor Antero Benedito da Silva
Reprentante estudante Jacop Madeira senti kontenti hanesan gerasaun foun hakarak hatene no aprende konaba historia luta rezistensia nian ba ukun rasik an ida sai importante ba gerasaun foun sira.
“Hanesan gerasaun foun agradese tebes bele tuir semenariu ba loron ohin nian tamba ho tema geral katak lidanca iha rezistensia sira ne’ebé mak promove iha democrasia ne’ebé inklusivu hanesan gerasaun oinsa maka bele aprende no husi ita nia rezistensia sira ne’ebé uluk luta ba ukun rasik aan no hirak ne’e hotu hanesan jerasaun foun maka ita nia papel ne’ebé importante iha visitalizasaun modernu ba loron ohin nian mak aprende no prepara liu husi mundu teknoligia.” Dehan Jacop Madeira.
Reportagem : Lourenço / Joaninho / Estagiadus
Foto : Lourenço