Dili – 05 Maio 2026 (Media Democracia)– Relasiona ho Loron Liberdade Imprensa Mundial, ne’ebé iha loron 3 fulan maio tinan 2026, liuhusi Departamentu Komunikasaun Sosia, (DCS), Fakuldade Siensias Sosiais Politikas (FCSP), Realiza Seminariu ho tema “Papél Jornalizmu Dijitál no Dezenvolvimentu Nasionál” ba estudante Departamentu Komunikasaun Sosiál (DCS), hodi hasa’e Abilidade no Konesimentu estudante sira nian kona-ba importánsia média dijitál nian iha kontribuisaun ba prosesu dezenvolvimentu nasaun nian.
Tuir Diretór Konselhu Imprensa, Alberico da Costa Junior Hateten liu husi semenirariu ida ne’e ne’e foka liu ba Liberdade Imprensa no liberdade espresaun atu espresa saida mak sidadaun sira ko’alia no públika ba media.
“Iha seminariu ida ohin foka lolos ba iha liberdade imprensa , liberdade espresaun buat rua ne’e hamutuk,ita iha liberdade atu espresa saida mak Ita hanoin no media iha liberdade atu bele expresa no bele foti saida mak sidadaun sira ko’alia depois públika ida ne’e mak ohin ita ko’alia kona-ba liberdade imprensa iha Timor, tanba sa mak iha tinan 2023 tama ona iha top 10 ita liu tiha, Australia ho Korea no besik malu ho Europa depois tinan kotuk ita monu fali no agora mak ita sa’e ituan”. Dehan Diretor Konselhu imprensa Alberico da Costa Junior iha Auditoriu , Kampus Kaikoli ,Dili (04/05/2026).
Aleinde ne’e Diretor hatutan atu hakerek notisia ruma tenki nafatin lao tuir matadalan,kode étika no nafatin tuir Lei Komunikasaun Sosial nian. Persija media livre iha redasaun, media livre atu hakerek buat ruma, importante la’o tuir matadalan no kode étika no tuir nafatin Lei Komunikasikan Sosial nian .
Parte seluk tuir Estudante Departamentu Komunikasikan Sosial (DCS), Yusuf da Costa, orgullu bele parsipa iha seminariu ne’e hanesan motivasaun ba estudante sira iha area jornalista nian oinsa atu hakerek notisia no hatene maneira no funsaun Liberdade Imprensa nian.
“Iha seminariu ida ne’e buat ne’ebé mak ha’u aprende relasiona ho materia fahe liu husi ha’u nia dosente sira, iha bne’e relevante lo’os ho seminariu ohin loron nian ko’alia kona-ba Konselhu Imprensa, liga mos ba iha oradór sira aprezentasaun interasante, rona hanesan fo motivasaun ida ba estudante sira iha futuru jornalista nian, oinsa mak bele hatene maneira no funsaun Liberdade Imprensa nian”. Dehan Estudante Yusuf da Costa.
Iha Seminariu ida ne’e mos esplikasaun importánsia jornalizmu dijitál nian hanesan instrumentu ba promosaun demokrasia, transparénsia, no partisipasaun sidadaun iha dezenvolvimentu nasaunnian no diskute mós kona-ba dezafiu média online hanesan hoax, dezinformasaun, no responsabilidade étika jornalista iha era dijitál
Reportajen: Novita Soares/Baquita Marcal
Foto: Baquita Marcal