Dili, 31 Jullu 2026 (Media Democracia)- East Timor Blind Union (ETBU), hala’o konferénsia imprensa hodi lamenta ba aktu parátika imoral no asédiu sexuál ne’ebé deskonfia komete husi MdC iha edifísiu ETBU iha loron 15/07.
Portavoz membru East Timor Blind Union (ETBU), Maria Filomena de Fátima Ferreira dehan, fó hanoin fila fali ba maluk difisiensia matan sira no sosiedade sira katak diretór ho inisiál MdC ne’e atitude la di’ak tanba utiliza fatin servisu hodi prátika hahalok imoral ne’ebé hamonu dignidade feto no membru sira nian.
“kazu ne’e la’os de’it ho rumoris no Lia anin, maibé realidade akontese tanba iha evidénsia, iha momentu ne’ebá membru balun konsege rekolla evidensia Forte no klaru tebes hanesan video ho durasaun minutu lima liu, ne’ebé batudu momós no nakloke katak diretor ne’e pratika hela aktu sexuál refere iha Fatin servisu nian.” ” Dehan Porta-voz liuhusi konferénsia iha loron tersa (28/07)
Maria esplika, iha loron 23 Jullu (23/07), iha membru balun konsege utiliza media sosiál hodi halo postajen ba video hodi husu justisa.
“Iha dia 23 jullu 2026, membru balun kosege utuliza media sosial hanesan Facebook hodi halo postagen ba Video refere hodi husu justica, maibé lakon tiha sensibilidade no responsabilidade, presidenti konsello fiskal, Señora Paulina sequeira ho Nia estrutura ladauk foti desizaun sansaun konkreta ruma ba aktu imoral ne’e.” Nia hatete
Nia realsa, informasaun ne’ebé sira hetan Board xamada ba MdC atu labele komete tan kazu hanesan ne’e iha futuru.
“Tuir informasaun ne’ebe ami hetan, Board xamada atensaun ba senhor MdC atu labele komete tan kazu hanesan, ami membru hotu konsidera katak atetude ne’e la hatudu lideransa ne’ebé di’ak, labele tolera no la ho justica, tamba hahalok asédiu sexual nu’udar violasaun sériu ne’ebé tenki hetan desizaun no sensaun ne’ebé forte no rigorozu tuir estatutu organizasaun nian no lei ne’ebé vigora iha Timor Leste.” Nia afirma
Tanba ne’e East Timor Blind Union (ETBU), husu urjente ba prezidente fiskál no estrutura tomak atu foti desizaun rigorozu hodi ezonera MdC husi nia kargu.
“ba hahalok imoral ne’e ami konsidera katak husi kazu ne’e, nune’e de’it sei estraga no sobu imagen no fiar públiku nian ba organizasaun ETBU.” Maria Filomena rekomenda
Portavoz ne’e mos ejiji komprimisiu ne’ebe presidenti konselho fiskal hato’o iha palku kampaña kongresu ETBU nian iha dia 27 Abril 2026, katak durante nia mandatu sei la tolera membru se de’it banhira prátika asédiu seksuál hasoru membru feto sira, no prontu atu tane no proteje dignidade feto maluk sira nian.
Nia dehan, mandatu ne’ebé seidauk to’o tinan Ida mosu hahalok kontrariu no Intervensaun tanba ne’e nia husu ba fundador no konsellu fiskál sira atu hola foti desizaun hodi salva dignidade, valor humanitáriu no futuru organizasun.
Iha sorin seluk, tuir fontes konfirmadu hatete, nu’udar fundadór iha momentu harí organizasaun ne’e nia objetivu la’ós atu prátika hahalok sira hanesan asédiu no violénsia, no akontese fila fila ona no ida ne’e mak foin grave tanba iha video ne’ebé vira ona iha media sosiál.
“entaun fundadór nasionál no internasionál hotu lamenta tebes kuandu ita halo buat ruma relasaun entre feto ho mane nian liliu kona-ba nesesidade biolójika kuandu ita halo iha kantor tantu ida ne’e atu hakarak ho hakarak ka obriga, se hakarak ho hakarak mos ema la autoriza ona sa tan obriga.” Dehan fontes konfirmadu liuhusi Via telefone ba jornalista media Democracia iha loron sexta ne’e (31/07)
Nia dehan, sira mós iha regras interna forte no metin ne’ebé bandu tebes ba hahalok sira ne’e bainhira nesesidade obriga ba iha fatin seluk labele prátika hahalok hanesan ne’e iha edifísiu.
Nia parte konfesa katak video ne’ebé viral iha media sosiál ne’e sira mós la hatene no sé mak públika.
“entaun ami hanesan fundadór ami iha responsabilidade moral se membru levanta ona ami tenke reforsa membru ne’e, tanba nia feto ho defisiénsia, se nia klosan karik ita bele ko’alia no tetu ba mai di’ak mas ida suspeitu ne’e kaben-na’in tan nia oan ho fen abandona hela iha Baucau ne’e oinsá.” Nia klarifika
Fontes konfirmadu ne’e mós dehan iha tempu badak nia laran sei desidi atu nune’e hadia’ak fali organizasaun refere kontinua ho nia ezisténsia.
Reportajen: Nicodemos da Silva, Joaninho Martins, Estefania Crdoso
Foto: Joaninho