Dili, 1 Setembru 2026 (Media Democracia) – Komandu PNTL Munisípiu Dili prepara efetivu policial hamutuk besik 1.000 atu asegura no mantein situasaun seguransa durante serimónia transladasaun Amo Bispo na’in tolu, ne’ebé sei lori husi rai li’ur mai Timor-Leste. Medida seguransa ne’e atu garante prosesu transladasaun no serimónia sira bele lao ho di’ak, ordenadu no seguru.
Amu na’in tolu nia restu mortais mak hanesan Dom Jaime Garcia Goulart, Bispo Dom Joaquim Ribeiro no Monseñor Martinho Costa Lopes.
Komandante PNTL Munisípiu Dili Komisáriu Asisténte Polísia Orlando Gomes, hateten,restos mortais sei to’o iha Aeroportu Internasionál Nicolau Lobato iha loron (01/8) aban, nune’e PNTL prepara efetivu husi Munisípiu Dili nain -400-resin hetan apoiu husi efetivu Unidade Espesiál, Kuartel Jerál, Unidade Polísia Maritima hodi apoia seguransa simu restu mortais hahú husi Aeroportu, Tasi Tolu, ba too Manatutu lori fali mai Dili no too serimónia funebre.
“Komandu Munisípiu Dili ita hasai ona orden alerta 2 tanba ita mós iha 400-ital ho mós Unidade Espesiál Polísia ho tan Unidade Maritima ho Kuartel Jerál ita bele dehan katak ita bele hatun efetivu 1000 hanesan ne’e para bele asegura ita-nia situasaun seguransa”, Orlando Gomes dehan ba jornalista sira iha hafoin dirije parada jerál ba seguransa simu restu mortais Amo Bispo nain tolu husi rai li’ur mak Dili ne’ebé halo iha Komandu PNTL Caicoli segunda ohin.
Orlando dehan, iha operasaun seguransa ba serimónia ida ne’e la’ós polísia mesak maibé sei apoiu mós husi F-FDTL iha jestaun ne’e Polísia Mlitár sei apoiu hamutuk hodi halo eskolta asegura mós restu mortais
“Tanba ne’e ita-nia membru sei barak, ita nia planu operasaun ne’ebé iha sei asegura husi Dili ba too iha Manatutu Laleia ne’e, ita sei asegura movimentu iha dalan ka rota ne’ebé ita define ona, ita sei asegura para atu nune’e bainhira lori fali ba fila fali mai mós seguru.” Nia hatete
Nia esplika, bazeia ba planu operasaun ne’ebé mak atribui ba Komandu PNTL Munisípiu Dili no Komandu Munisípiu Dili nu’udar Komandu taktikál iha teru, tanba ne’e ohin ita realiza parada konjunta entre Munisípiu Dili komandu Unidade Espesiál Polísia ho Komandu Jerál ita halo parada para atu nune’e ita bele hahú ona servisu hahú kedan husi horsida kalan ba too iha aban hodi simu restu mortais ne’ebé mak mai.
“Ohin ita breafing ba iha planu operasaun raktiku ninian ba iha membru sira tomak ba komandante de tatiku iha terrnu hotu atu nune’e sira tenke kumpre no responsabilidade ne’ebé mak iha liuliu ba planu de seguransa atu nune’e ita bele asegura seguransa durante vizita ita nian reetu mortais mai iha Dili too iha seromonia funebre.” Nia afirma
Orlando hateten,iha planu operasaun nasionál termina tiha ona rute hahú kedan husi Aeroportu, Tasi Tolu no mós movimetu ba fatin sira neebé mak terminadu husi programadu husi Igreja.
“Tuir planu katak dalan sira ne’ebé bainhira ita-nia restu mortais liu ita sei taka depois de liu hotu loke normál hanesan bain bain.Ne’ebé movimentu transporte bele la’o maibé kuandu testu mortais liu ita sei taka”, nia dehan.
Nia dehan, horsida restu mortais Biapo Dom Alberto Ricardo sei sai husi Maloa ba Tasi Tolu, maibe movimentu Tum Tum sei iha ne’ebá nu’udar komandante Munisípiu Dili orientál ona ba iha komandante trazitu atu agora kedan orienta ba iha Tum Tum, para iha selamat datang João Paulo nian kotuk.
“ Ita tenke dignifika ita -nia testu mortais sosa ne’e, hanesan Dom Martinho nia ne’e erói”, nia afirma.
Komandante PNTL Munisípiu Dili, Orlando Gomes1 husu ba membru PNTL sira atu fó seguransa ne’ebé disipliña, kuandu fó seguransa tenke tau farda no tau aas interese estadu nian boot liu buat hotu, tane aas responsabalidade no proteje direitu sidadaun nian ida ne’e mak importante, hala’o tuir orden ne’ebé Komandu fó.
Reportajen : Estefania Cardoso
Foto : Estefania Cardoso