Ainaro, 21-04-2026 (Media Democracia)- IX Governu Konstitusionál fó apoiu orsamentu ho montante $200.000 ba Konsellu Imprensa hodi fasilita Formasaun jornalizmu investigativu ba Jornalista sira. Hamutuk nain 20 neebe husi orgaun komunikasaun oioin iha Timor-Leste ne’ebé realiza iha Hotel Sara Postu Administrativu Maubesi Munisipiu Ainaro.
Formasaun Investigativu ida nee objetivu atu hasa’e kapasidade profesional no reforça papel media iha prosesu demokrasia.
Tuir, Diretor Ezekutivu Konsellu Imprensa António Dias hatete formasaun ida ne’e hodi fasilita jornalista sira nia kapasidade iha area Investigativu.
“Ita hotu Hatene ita nia Primeiru Ministru Kayrala Xanana Gusmão hare katak iha nesesidade atu fo formasaun ba ita nia jornalista sira. Laos Jornalista Timor Leste hatene lahatene buatida mais tanba situasaun agora estadu iha osan utuan fasilita ita boot sira atu hasae kualidade informasaun.” Hatete Diretor Ezekutivu KI, Antonio Dias iha treinamentu Investigativu iha Salau Sara Maubesi Vila Munisipiu Ainaro segunda (20/04/2026).
Tuir nia hatene katak, kualidade Imprensa iha Timor-Leste sei sai kestaun ema hotu-hotu ko’alia, dalabarak Primeiru Ministru rasik ko’alia no Publiku nia opsaun.
“entaun ho kestaun hirak nee hotu, ita agora iha Maubesi hamutuk ho formador Baskoro fó ita nia topiku ida ne’e hahu formasaun ne’ebé osan maihosi Governu ho Treinamentu Jornalismu Investigativu. Ita hotu-hotu hatene se de’it mak iha telefone nia bele sai Jornalista, entaun diferente Jornalista sira kaer telefone ho ita Investigativu. Ita nia kuriosidade ne’e valor kualidade ass liu iha jornalizmu, entaun ho korazen sira ne’ebé mak formador fo ba imi transforma korazen sira ne’e ba imi nia servisu lor-loron atu halo imi nia notisia sira ne’e sai faktus ne’ebé susar.” tenik nia
Nia husu ba jornalista sira ne’ebé mak partisipa iha Treinamentu nee atu aproveita didiak durante loron lima nia laran
“Ita boot sira ne’ebé tuir formasaun ne’e sei fahe buat ne’ebé imi aprende ona ba imi nia kolega sira seluk no transforma ba imi nia servisu sira, depois ho imi nia korazen tanba ho espiritu jornalizmu nian ho etika ne’ebé imi aprende produz obra jornalistiku sira ne’ebé iha impaktu boot ba ita nia sosiedade.”katak nia
Iha treinamentu Investigativu ne’e fasilita husi Formador Indonesia Baskoro husi MediaTempo durante loron lima.
Iha fatin hanesan, Konselleru Konsellu Imprensa, Juaquim De Fatima Coutinho husi Jornalista sira atu aproveita treinamentu Investigativu ida ne’e para bele eleva diak liu imi servisu.
“Hau husu ba kolega sira balu husi Dili balun husi munisipiu no kolega jornalista sira iha Maubesi atu aproveita didiak treinamentu ida nee para fila husi fatin nee ba halo kobertura karik tenke klean ho investigativu.” Dehan Konseleiru KI.
Bainhira Konsellu Imprensa hasoru malu ho Primeiru Ministru Kayrala Xanana Gusmão eziji presija fasilita formasaun Investigativu ba jornalista sira nunee haklean liu tan sira nia konesementu ba kobertura.
“Hein katak ho formasaun sira ne’e bele hasse liutan ita-boot sira nia koñesimentu atu nune’e bele hala’o serbisu iha ita boot sira nia media.”dehan nia
Enkuantu, Fromasaun ne’e parte ida husi formasaun sira seluk tuir mai hodi ezekuta apoiu orsamentu subvensaun husi Primeiru-Ministru Xanana Gusmão ho montante US$200,000.00 ba Conselho de Imprensa iha Orsamentu Jerál Estadu (OJE) 2026.
Iha diskusaun no aprezenta orsamentu Conselho de Imprensa nian ba tinan fiskal 2026 iha Komite Revizaun Orsamentu (CRO), fulan hirak liubá, orgaun reguladór média iha Timor-Leste ne’e aprezenta nia planu orsamentu ho montante US$600,000.00, maibé PM Xanana konsidera importansia tebes atu hasa’e kapasidade jornalista timoroan sira-nian iha reportajen investigativu, maka PM Xanana deside hasai orsamentu subvensaun husi Gabinete Primeiru-Ministru nian ho montante US$200,000.00 fó ba Conselho de Imprensa jere hodi fasilita formasaun jornalizmu investigativu ba jornalista timoroan sira hotu.
Fromasaun jornalizmu investigativu iha Maubisse ho tema “Uncovering the Truth: Strengthening Investigative Journalism and Strengthening the Media’s Watchdog Role” sei termina iha loron 25 fulan-Abríl 2026,
Jornalista nain 20 ne’ebe tuir treinamentu iha Maubesi kompostu husi Media Rafa & NTV Rttl,ep, STL, Hatutan, Dili Post, Loluwari, Radio Racom Maulok, Media Lian Orluli, Radio Komunidade Komoro, Radio Maubesi, SapnewsTL, Media Mudansa, Media Demokrasi, Radio Liberdade, ho Media DFM
Entretantu, Formasaun ne’e organiza husi Konsellu Imprensa (KI) durante loron lima, husi dia 20-24, no Formador maka Lestantya R. Baskoro nu’udar Jornalista Senior iha Indonézia.
Reportajen: Tomás dos santos
Foto : Tomás dos Santos