Dili, 22 Abril 2026 (Media Democracia)-Polícia Nacional Timor Leste (PNTL) halo sensibilizasaun iha suku Bebonuk atu hadi’a no hametin konsiénsia komunidade ba pas no amizade iha ambiente unidade no seguru husi krime violensia domestika no violasaun seksual.
Tuir Superintendente Polisia, Xefe Departamentu Diresaun Polisiamentu Komunitaria Helena das Dores Alves hatete violénsia domestika aas tebe-tebes ne’e mak liuhusi programa ida ne’e atu identifika problema Sira iha komunidade Sira no tranzmite formasaun ba familia sira.
“Violénsia domestika aas tebe-tebes iha parte ne’ebé mak ha’u mensiona ona ne’e mak ami liuhusi programa ida ne’e atu identifika problema probilidade ne’ebé mak atu bele utiliza ba iha suku iha komunidade sira iha suku laran mak ita presiza, tanba agora modernu serve netik digital ne’e ema lansa propaganda ne’e la respeitu malu iha média digital ita mós tenke pasa formasaun oinsá mak asegura liuhusi média sosial iha digital nian ita mós ko’alia kona-ba programa igualidade de jeneru atu nune’e haree fila fali ba violénsia domestika, haree fali feto ho labarik ne’ebé mak sai vitima durante ne’e, entaun ita bele fahe informasaun para ita nia komunidade sira bele rona bele transmite formasaun ba to’o iha familia, no ba oan sira atu nune’e bele hatene katak violénsia ne’ebé mosu familia ne’e barak tebetebes maibe ema tauk la fó sai, dala ruma inan aman baku labarik sira la iha responsabilidade hanesan oan maibe risku tebes agravadu tebes kuandu labarik sira ne’e mak menoridade entaun presiza ita nia atensaun dediak mos ita haree kona ba ambiente ami nia programa mós ko’alia kona ba dezastre naturais ambiente atu nune’e departamentu hotu-hotu tutela PNTL ne’ebe iha ida-idak mai hato’o ninia responsabilidade ba iha informasaun sira” Dehan Superentendenti Departametu Polisia Komunitariu komunitariu Helena das Dores Alves iha suku Bebonuk (21/04/2026).
Iha sorin seluk Chefe Suku Bebonuk Alfredo da Costa agradese no orgullu ba komandante Munisipiu Dili no mós komandante jeral tamba bele halo sensibilizasaun no liuhusi sensibilizasaun ne’e bele fo benefisiu ba komunidade sira.
“Sensibilizasaun ne’ebe Mak ohin realiza iha suku Bebonuk ida ne’e em nome do suku Bebonuk, em nome komunidade sira orgullu no agradese tebes ba komandante munisipiu Dili no loos komandante jeral bele halo sensibilizasaun iha ne’e husi sensibilizasaun ida ne’e hau fiar katak liuhusi sensibilizasaun ida ne’e bele fó benefisiu boot ba komunidade sira tamba liuhusi informasaun sira ne’ebe mak ohin komunidade Sira hetan sei hatutan tan ba sira ne’ebe mak la mai partisipa , ohin iha sensibilizasaun ne’e ko’alia kona ba prevene ba Bebonuk ne’e grau konflitu ne’e agora daudaun ne’e tun grau ida boot ne’e mak violénsia domestika no mós abuzu seksual maibe husi kazu sira ne’e la para deit iha suku Bebonuk maibe kazu ida ne’e kuandu akontese Hau rasik ho OPS diretamente lori no halo prosesu, tamba ne’e ba komunidade sira mak ohin mai iha ne’e hau fiar katak komunidade sira nafatin mantein atu rona didiak bainhira Ita hamosu Kazu ruma hanesan abuzu seksual, violénsia doméstika” Dehan Chefe Suku Bebonuk Alfredo da Costa.
Aleinde ne’e representante komunidade suku Bebonuk Faustino da Silva hatete senti orgullu tamba bele hetan sensibilizasaun ida ne’e hodi hametin paz iha suku Bebonuk no bele fahe tutan informasaun ba komunidade sira ne’ebe la partisipa iha sensibilizasaun ne’e.
“Ha’u senti orgullu no apresia ba PNTL sira ne’ebe mak partilla ona sensibilizasaun liliu iha suku Bebonuk, nu’udar komunidade senti orgullu ba PNTL ne’ebe fó ona sensibilizasaun desiminasaun informasaun kona-ba prevensaun krime violensia domestika no violasaun seksual no kria pas iha komunidade, hanesan joven no komunidade ne’ebe mak ohin rona informasaun bele transmite fali ba maluk joven Sira ne’ebe mak la pastisipa iha sensibilizasaun ida ne’e” Dehan komunidade Faustino da Silva.
Polísia Nasional Timor-Leste (PNTL) hala’o atividade sensibilizasaun iha komunidade Suku Bebonuk hodi hasa’e konsiénsia kona ba prevensaun krime, liu-liu violénsia doméstika no violasaun seksual. Iha atividade ne’e, PNTL fó informasaun kona ba konsekuénsia legal, direitu vítima sira, no importánsia atu relata kazu sira ba autoridade kompetente. Objetivu husi sensibilizasaun ne’e mak atu prevene krime, proteje membru komunidade sira, no hametin kooperasaun entre polísia no komunidade.
Reportajen : Estajiada Novida/Leozalia
Foto: estajiada Leozalia