Dili, 23 Abril 2026 (Media Democracia)-Reitor Institute of Busines (IOB), hamutuk ho Formadór husi nasaun Brunei halo lansamentu ba kursus lian inglesh ba públiku iha IOB Dili iha kuarta semana ne’e (22/4)
Reitor Institute Of Busines (IOB) Pedro Bareto Ximenes hateten, loron ohin hamutuk ho ita nia parseiru husi Brunei, halo lansamentu ba programa lian English ne’ebé mak IOB koopera no kursu lian English ida ne’e hetan rekoñesimentu internasionál husi United Kingdom Inglatera, ne’e mak bolu dehan irsen sertificado.
“Formasaun ida ne’e ninia kualifikasaun ne’e aas no kuandu sira hetan sertifikadu karik sertifikadu ne’e rekoñesidu la’os deit iha Timor maibé mós iha nasaun sira seluk ne’ebé mak liga ho ita, dehan karik aman ba sira, ne’ebé sira bele ba Australia, Mallasia no sira bele ba nasaun sira ne’ebé mak ligasaun ho nasaun Kamanuel bele hetan rekoñesementu nune’e mak ohin ita halo ninia lansamentu programa, kursu ne’e rasik iha nia nivel oioin kompostu husi nivel basiku, intermediariu, nivel abansadu, kada nivel ida ninia durasaun ne’e fulan tolu (3), iha komponente oioin iha laran, se ita hakarak hetan informasaun klaru liu ita bele haree iha nia website bele haree iha Brosura sira.” Dehan Reito Pedro iha resintu IOB Pantai Kelapa Dili (22/4)
Nia hatete katak ida ne’e hakarak loke tan oportunidade ba Timor oan sira liuliu ba sira ne’ebé hakarak hatene lian English kle’an liutan ou sertifikadu ne’ebé mak rekoñesidu liu bele mai rejista.
“Ami servisu hamutuk ho ami nia parseiru husi Brunei no fornese kursu ne’e ba estudante sira hahu husi idade 15 to’o tinan 35 bele mai rejistu iha ne’e no laiha rekejitu, importante hatene lee no hakerek, naran katak ema ne’ebé iha vontade atu aprende. No estudante sira iha primaria ka secundaria, universitariu bele mai de’it, Ita nia koperasaun ne’e ita halo ba tinan rua (2) maibé lansamentu ne’e nia akordu ne’e mak tinan ida ho balun, ita hahu uluk ho lian english depois ita sei loke tan ba iha area sira seluk iha tempu oin mai. Kursu refere nakloke ba ema hotu hanesan ba estudante IOB ba publiku ba ema servisu ba ema eskola sese de’it mak hakarak hetan formasaun kle’an hanesan kursus espesializadu lian english bele mai tuir formasaun iha ne’e” Dehan nia
Nia Salienta katak lakohi simu estudante barak liu tanba kada grupu ne’e ita simu de’it minimu 15 maksimu ne’e 20, estudante tanba ita hakarak mantein grupu kiik depois tanba formador mai husi rai liur entaun presiza asegura katak nia kualidade ne’e di’ak
“Formadór husi Filipina, Brunei sira ne’ebé mak english hanesan sira nia lian primeiru maibé depois mós ita sei inklui tan formadór sira seluk, ita komesa rejistu ona ohin tanba ita halo ona Lansamentu entaun komesa aban ita loke ona rejistu ba estudante sira ita nia esperansa prinsipiu fulan maio ita bele hahu grupu primeiru ona ba estudante sira ne’ebé se mak hakarak se mak hakarak bele mai rejistu espasu sei iha” dehan Reitor IOB
Kursu ne’e simu uluk ba klasse rua dahuluk nian no halo rejistu, sei halo ezame ba teste ninian atu hatene ema nia nivel ne’e iha ne’ebé mak bele aloka ba iha nivél ne’e, kustu rejistu ba nia programa fulan 3 ne’e mak USD 200.000 karik ita hakarak klaru liu bele haree iha Brosura.
Reportajen: Estajiada Juliana/Bakhita
Foto: Estajiada