Dili, 27 Abril 2026 (Media Democracia)- Komandante Jerál Polísia Nasionál Timor-Leste, Komisáriu Asistente Afonso dos Santos hatete, Komandante ba Munisípiu sira ne’e asumi ho deviza Superintendente Xefe, Komandante Munisípiu Dili, tanba kapitál nasaun tenke Komisáriu Asistente mak lidera.
“Komandante Dili Komisariu depois ba futuru mak ita haree tanba Komandante Jerál foti medidas ida ne’e haree liu ba sira ne’ebé Superintendente Xefe lidera Munisípiu, Ita hree Dili ne’e kapital entaun ita tau superior ida ne’e atu orientasaun Ministériu Interior no superior ida mak ba komandu Dili no Komandate Unidade Espesial Polísia mos superior.” Dehan Komisáriu Asistente Afonso dos Santos hafoin fó pose ba Komandante Munisípiu sira iha Kuartel Jerál PNTL Caicoli Segunda ne’e.
Iha biban ne’e Diretór Ezekutivu Fundasaun Mahein, Nelson Belo afirma, nomeasaun ba superior dirijente, Superintendente Xefe no komisáriu asistente la bazeia ba méritu.
“No la bazeia ba susesu no labazeia ba edukasaun ruma maibé ne’e bazeia ba promosaun masál.” Nelson haktuir
Nia parte dehan, nomeasaun ne’e fora liu ba planeamentu ne’ebé iha, bainhira iba planu atu nomeia komandante tenke asumi kargu.
“kuandu nomea la asumi kargu ida ne’e impaktu la iha planeamentu no nomeasaun ne’ebé mak masál ida ne’e hafraku instituisaun PNTL.” Nia adianta
Diretór ne’e dehan, ba membru PNTL ne’ebé envolve iha krime disiplinar nian, krime ne’ebé rejistu ka iha Ministériu Públiku ne’e presiza halo avaliasaun.
“Dezempeñamentu ne’ebé mak ida atu nune’e labele harahun membru ne’ebé mak refere iha fronteira, bainhira operasasaun servisu ne’e di’ak liu.” Nia hakotu
Reportajen : Estefania Cardoso
Foto : Estefania Cardoso