Dili, 26 Dezembru 2025 (Média Democracia) – Cardial Dom Virgíli do Carmo da Silva, selebra misa Natal ksolok tinan 2025 haksolok tan maromak hili atu sai hanesan ita-nia buat hotu, laos sai hanesan ema de’it maibé hela ho ita ba nafatin, selebrasaun misa ne’e hala’o iha Igreja Katedral Vila-verde Dili.
Iha Omília Cardial Dom Virgíli do Carmo da Silva hateten, iha kalan santu no kalan Natal mak kumpri ona profeta izeias, dehan kosok ona ida moris mai oan-mane ida fó mai baibain ema dehan kosok-oan ida nia moris mak ksolok boot liu hotu, nia mai atu muda buat hotu iha energia ida ne’ebé labele kompara iha kbiit atu halakon kolen nomos nakukun.
“Moris mai lori felisidade ida ne’ebé boot liu, no iha buat hotu laiha folin, mak ita hanaran Natal kosok oan Jesus nia moris, novidade ida lori ita ba Natal atu moris fali iha ita-nia laran bele hetan fali forsa hodi bele hasoru fali provas oioin.” Dehan Cardial Dom Virgíli do Carmo da Silva
Amu Cardial hatutan, kosok-oan moris mai ba ema ida-idak, mai liafuan ne’ebé fila mai iha kalan santu kosok oan ida ne’e moris mai tuir profeta izeias nian, ohin moris ona mai salvador hanesan fó hanoin Jesus fó nia-aan tomak mai ita Saun Paul dehan, ohin moris ona mai salvador maibé buat hirak ne’e hotu hakarak dehan maromak nia oan ida ne’ebé lori rahun di’ak mai husi lalehan nian ba ita ida-idak.
“Maromak mai iha mundu moris hanesan oan ida atu halo ita oan maromak nian. Ha’u hanoin ida ne’e halo Natal sai novidade ba ita maromak, halo ita moris hanesan oan atu halo ita sai maromak oan, prezente ida ne’ebé furak tebes duni ohin maromak komtenti no dehan mai ita ida-idak, o mak furak ida maromak nian.” Dehan Amu Cardial
Amu Cardial afirma, maun alin no bin feton sira lalika dezanima, bainhira monu iha tentasaun nomos sente failla iha buat barak ne’ebé hakarak atu atinji, maromak ohin kalan dehan mai ita fó korajem.
“o la mesak ha’u sei lao hamutuk ho imi. Ha’u la koalia ho liafuan maibé ha’u halo an sai oan hanesan o atu fó hanoin ba o tempu atu hahú fali o nia moris, hodi rekoñese hanesan maromak nia oan mane no feto sira ida mak loos duni tempu atu hahú nian, ida ne’e sentru ita-nia esperansa. Perante ita-nia kualidade no dezafiu sira kanek no faillansu iha pasadu, preokupasaun iha futuru maromak nia domin mai ita la defende nomos sei la depende mai ita, ida mak domin mai ho gratuita.” Afirma Cardial Dom Virgíli do Carmo da Silva
Cardial esplika, iha kalan ida-ne’e hetan resposta ho esplikasaun ba buat hotu, buat ida de’it mak vale maromak nia grasa, São Paul iha kalan ida ne’e dehan mosu mai grasa maromak nian laiha buat ida ne’ebé folin liu, ida ne’e oan mane ida fó mai ne’ebé la fó buat seluk duke fó nia oan rasik ne’e ksolok boot liu hotu ba umanidade.
“Bainhira ita haree ita ema nia gartidaun hasoru maromak injustisa ne’ebé halo hasoru malu mosu duvida iha ita-nia neon, maske maromak halo di’ak tebes mai ita, la kolen tulun ita fiar nafatin ba nia ne’e laos jestu ida ne’ebé extraordinariu, lulik los duni nia hadomi ita ema to’o mate, nia hadomi ita hakarak di’ak mai ita, ne’e maromak nia segredu asaun ida ba ema nia fuan.” Esplika Cardial Dom Virgíli do Carmo da Silva
Cardial esklarese Maromak hatene dalan uniku atu salva no kura kanek mak hadomi laiha dalan seluk buka atu sai di’ak de’it bainhira hatene simu nia domin ne’ebé la sura kolen, domin mai ho konstante maibé hatan ho kontrariu Jesus nia domin de’it mak transforma vida bele kura kanek sira ne’ebé kle’an liberta husi sirkulu vistu sira hanesan hirus mura-mura no seluk tan.
“Oan mane ida moris iha animal nia han fatin, ida ne’ebé simples hanesan ita rona iha evangellu simples no nakukun toba hela maromak nia oan, nune’e mosu pergunta ida seluk tanba sa mosu naroman ida iha kalan laiha fatin ne’ebé dignu moris di’ak no ema hewai maske lolos moris iha fatin dignu, tanba sa ida ne’e maromak nia dalan uza ita ema bele komprende oinsa maromak hadomi ita to’o moris hanesan ne’e, atu nia bele toka tama ona ita ema nia realidade lolos.” Esklarese Cardial Dom Virgíli do Carmo da Silva
Cardial salienta, Maromak bele sente ema nia mizeria, maromak nia ukun fuan moris abandonadu, dehan mai sarani katak kada ema ne’ebé abandona, ignora, explora, rai hirus hasoru, ne’e maromak oan, nia mai iha mundu hanesan kosok-oan ida ne’ebé ki’ak no fraku ne’ebé hatene no rekonese simu nia ita-nia frakeza no frazilidade ho laran midar ne’e deskobre buat ida ne’ebé importante hanesan iha belem, ne’e mós maromak hadomi halo buat boot liuhusi pobreza.
Esplika liután iha selebrasaun misa Natal ida ne’e mai husik mezerikordia transforma ita-nia mizeria, ne’e duni oan mane ida moris mai katak sa loos, maibé sei iha liafuan balun atu dehan ba bibi atan sira sinal ida ba imi mak ne’e kosok-oan ida latan lerek iha animal fatin, kosok-oan ne’e mai ba ita atu orienta ita-nia moris loron-loron nian.
Reportajen : Nelfiano
Foto : Pajina Ofisial PR