Dili 07 Janeiru 2026 (Média Democracia) – Ministériu Asuntu Kombatentes Libertasaun Nasionál (MAKLN) hala’o konferensia hodi atuliza fixa pagamentu nian liuhusi ekipa Téknikus DNPS (Diresaun Nasionál bá Pensaun no Subvensoens) distribui ona bá benefisiáriu sira, hamutuk rihun lima atus-hitu sia-nulu resin ida (5,791), konferensia ne’e hala’o iha Edifisio MAKLN Comoro Dili
Ministru Asuntu Kombatentes Libertasaun Nasionál MAKLN, Gil da Costa Monteiro “Oan Soru” hatete haree kona-ba dadus ida-ne’e, sura husi loron 15 fulan-Dezembru tinan 2025, bainhira MAKLN hahú halo abertura bá pagamentu faze da-huluk,l nian, no to’o iha loron 05 fulan-Janeiru tinan 2026 ne’e.
“Ohin tuku-rua ho balun (14:30), sira ne’ebé atende ona no atribui ona fixa pagamentu, atu nune’e sira bele asesu hodi ba foti sira-nia osan iha banku ne’ebé de’it mak sira pertense, hamutuk rihun-lima, atus-hitu, sia-nulu resin-ida (5.791).” Dehan Ministru Asuntu Kombatentes Libertasaun Nasionál MAKLN, Gil da Costa Monteiro “Oan Soru”
Ministru Asuntu Kombatentes Libertasaun Nasionál MAKLN hatutan husi ida-ne’e, sei falta rihun-sia, atus-sia neen (9,906). Maibé ora-oras tán liu, tanba hatene númeru ne’e la’o hela nafatin. Atendimentu la’o hela nafatin. Prontu halo kálkulu ida falta maizumenus sira mai nafatin hanesan baibain ne’e, falta 15 dias, bele konklui pelumenus ida-ne’e mak informasaun kona-ba sira ne’ebé dadauk mai hela.
“Ha’u fó totál husi rihun sanulu-resin lima, atus-neen, sia-nulu resin-hitu (15,697) signifika ba tiha ona rihun-lima liu (5 mill resin) sira sei hela rihun-sia resin (9 mill resin) too lokraik ne’e, too tuku-rua ho balu ne’e, 5,791 mak simu ona fixa sira ne’ebé simu tiha ona fixa ne’e signifika, sira la mai ona iha ne’e sira sei ba iha banku BNU, BNCTL no seluk bazeia banku ne’ebé sira pertense ba.” Dehan Ministru Asuntu Kombatentes Libertasaun Nasionál MAKLN
Ministru informa maibé, ohin haree ema menus la hanesan baibain nune’e karik sira bele mai nafatin hanesan baibain ne’e, tanba iha dia 29 no dia 30 de Dezembro liuba kotuk, loron ida dia 29, atende sira 716 ida, no iha dia 30 dezembru ne’e mós hanesan, 700. Ne’ebé kálkula ida 700 ne’e kálkulu tiha ona. Iha problema ki’ik-oan balu, mais, ne’e dala-ruma tanba sira ne’ebé ba forma, la’os na’in mak forma, maibé, haruka fali ida reprezentante ne’e forma mai to’o tiha iha tékniku sira nia oin mak haruka fila-fali.
“Bainhira mak ida ne’ebá mai tán ida-ne’e kria tiha konfuzaun maibé sira mai la’o tuir regra lo-loos ne’e, ida atus-hitu ne’e standar. Standar, tanba ami nia funsionáriu sira ne’e la fila ba almosu iha uma, sira hotu-hotu iha ne’e hein to’o lokraik mak sira fila. No sira servisu mós liu oras durante ne’e ami kálkulu kedas bá sira-nia servisu ne’e, bele pás oras, kuandu ema laiha ona sira bele fila ba uma maibé sei iha kliente sira sei iha entaun nafatin atende too remata.” Esplika Ministru MAKLN
Ministru mós informa kona-bá oráriu ne’ebé MAKLN fó sai, ne’e hanesan regra ida atu regula kombatente sira, família sira atu evita ema sena-malu. Maibé, karik, sira husi Munisípiu seluk ne’ebé hakarak mós foti fixa iha data ne’ebé jata ba Munisípiu seluk nian, Tékniku sira sei atende hotu kedas, no impossível atu haruka fila.
“Ema hotu daudaun ne’e mai mós kahur de’it importante mak atende, naran ne’e ema mak ne’e duni. Ema ne’e feto, feto duni, mane, mane duni ne’e mportante mak ida-ne’e. Ami ladun hili didi’ak husi Munisípiu karik sira naran nadodon hodi orma tama too tiha uma-laran mamdigas ami tenke haruka nia fila ne’e, ne’e ita la uza fuan ona, ne’e ita uza ain-tuur.” Haktuir Ministru
Esplika liutan kuandu benefisiariu sira mai lao tuir oráriu no regra ida hasai ba kada Munisípiu A, B, C, D. Mais, sé nia mai, nia iha hela Dili, ne’e problema boot. Tanba ne’e, dalan di’ak liu mak fó solusaun, duke hein tuir Munisípiu, mais, solusaun laiha. Loron 05 Fulan Dezembru, loron primeiru atendimentu fulan-Janeiru 2026 nian maibé garante karik sira mai hanesan baibain, entaun, to’o loron 15 tan bele konklui ema 15,697.
Reportajen : Nelfiano
Foto : Nelfiano