Dili, 29 Abril 2026 (Media Democracia)– Ministeriu Agrikultor Pecuária Pesca no Floresta (MAPPF), Realiza enkontru hamutuk ho kompaña neennulu resin ida (61) hodi hasa’e produsaun animal nia iha Timor-leste , enkontru ne’e realiza iha Salaun MAPPF Comoro.
Tuir Ministru Agrikultor Pecuária Pesca no Floresta (MAPPF), Marcos da Cruz afirma, hanesan governu nia papel mak kria kondisaun no ambiente ne’ebé di’ak atu nune’e ema hotu bele fó kontribui ba prosesu sira ne’e.
“Governu nia papel mak atu fasilita kria kondisaun nune’e funsionariu sira, atu buka, oinsa bele fasilita tuir lei no tekniku atu nune’e ema hotu bele la’o ba oin, nune’e iha parte agrikultura pekuaria nian, primeiru prioridade ne’ebé ita haree oinsá mak ita bele estabelese infraestrutura baziku hanesan irigasaun ita konstrui irigasaun iha fatin balun, tanba ita hatene katak ita iha rai luan no rai bokur, maibé kondisaun be’e laiha, tanba ne’e ita konstrui ona irigasaun iha fatin balun.” Dehan MAPPF Marcos da Cruz, iha Salaun MAPPF Comoro 28 Abril 2026
Nia hatutan Iha pecuaria haree katak iha problema kona-ba importasaun na’an mos barak, ne’ebé iha animal boot nian, komesa ho Seckretariu Estadu ho nia diresaun tomak, atu aumenta Karau, oinsa atu hadia jerasaun karau nian, nomos naan manu nomos importasaun barak mai husi nasaun Brasi nomos mai husi fatin sira seluk.
“Dalaruma embaixadór sira mai dehan tanbasa mak ami nia naan manu ne’ebé durante ne’e importa hela mai, hanusa mak governu ida ne’e lakohi halo importasaun no sira husus mos mai iha tekniku sira dehan manu ida sira hakarak lori mai ne’e manu ida ne’ebé produz tolun, nia labele produz tolun ona depois sira oho tiha mak foin lori mai, tekniku sira dehan ida ne’e la saudavel ba ita hanoin ne’e los, lolos sira oho tiha sira bele prosesa sai fali hahan ba manu seluk ou animal seluk, mais sira hakarak lori mai ne’ebé dalaruma ita hanoin dehan los duni buat ne’e mais iha soberania hodi deside katak hahan ne’ebé mai ne’e di’ak duni entaun dalaruma ita hanoin dehan di’ak liu ita enkoraja malu, kria kondisaun atu oinsa mak ita bele produs iha rai laran, ita apresia tanba balun komesa iha ona Manu, Fahi, Ikan Boek, ne’ebé buat hotu ligasaun ho Setor agrikltura Pecuaria no Pesca. Ita hotu iha responsabilidade oinsá mak ita bele fó ai-han ne’ebé kualidade ba ita nia povu iha rai ida ne’e,”. Nia Dehan
Iha fatin hanesan Secretariu Estadu Pecuaria, José Viera, afirma objetivu husi Sorumutu ho setór privadu sira ne’e importante oinsa prepara planu nuno governu konstituisional ne’e ita hakarak hasa’e produsaun animal nian.
“Durante tinan lima nia laran hahu husi tinan 2023-2028 tenke atinji 20% entaun atu hasae produsaun ne’e laos papel governu mesak de’it, governu nian mak oinsá prepara planu politika públika ne’ebé di’ak hodi servisu hamutuk ho setor privadu sira atu hasa’e produsaun animal iha ita nia rai. Setor privadu ne’ebé partisipa iha enkontru refere hamutuk nain neen nulu resin ida (61) hanesan ita hatene katak iha balun uluk monu tiha, sira halo investimentu iha pecuaria laos tanba sira nia osan laiha maibe balun menus koñesementu tanba ne’e mak ita hanesann membru governu ida atraves Ministru Agrikultura Pecuaria peska no floresta nomos Ministru rasik, koalia ona oinsa par atu liga iha parte setor privadu ho Governu liu husi Sorumutu ida ne’e atu bele buka solusaun ka medidas ne’ebé di’ak hodi mellora servisu ida ne’ebé mak liga ho setor Pecuaria veterenaria no mos teknologia fornesementu produtus pecuaria nian.” Secretariu Estadu Pecuaria, José Viera.
Nia afirma Setor privadu hirak tenki iha investe barak liu iha area Pecuaria, ne’e mos iha Diresaun tolu hanesan Diresaun Nasionál Pecuaria, Diresaun Nasionál Veterenaria, Diresaun Nasionál Tecnologia fornesementu Produtu Pekcuaria sira mós halo aprezentasaun badak ida koalia kona ba Setor Pecuaria nian.
Reportajen : Estajiada Juliana/Estajiada Baquita
Foto : Estajiada Baquita