Dili, 17 Agustu 2026 (Media Democracia)- Silvano Gomes hakotu ona is ohin haleu tuku 09.00 iha Hospitál Nasionál Guidu Valadares hafoin halo operasaun.
Relasiona ho akontesimentu ne’ebé akontese iha loron Sábadu 15 Agostu-ne’e, hale’u tuku 08:30 Otl, oknum Polísia Nasionál Timor-Leste ho inisiál MG uza arma branka (Pistola) tiru matebian Silvano Gomes iba Irabin de Baixo, Watucarbau tanba konduz motor la uza kapasete.
Família matebian, Elizáriu da Silva deklara relasiona ho akonteseimentu ne’e parte família husu atu lori prosesu tuir lei hodi prosesu ba oknum PNTL ne’ebé halakon Silvano Gomes nia vida.
“Sim nia mate ona, klaru ami familia nia hakarak prosesu ona nee tenke tuir lei, karik matebeia mak sala mos laiha buat ida mais prosesu tribunal mak tenke deside, neebe ami familia nia hakarak buat hotu-hotu tenke tuir lei. ihin polisia mai ona koalia ho ha’u atu autopsi para hetan evidensia ruma prosesu nee lao ba oin.” Dehan Familia matebian, Elizario Silva ba jornalista sira iha HNGV Segunda-feira (17/08/2026).
Família ejizi ba parte relevante tenke prosesa Oknum PNTL bazeia ba lei ne’ebé iha no tribunal mak tenke deside ida ne’ebé los no sala.
Nia esplika, bainhira matebias halo operasaun hotu, doutor informa katak operasaun hotu ona maibé grava tanba hetan kuan 7 iha nia orgaun teen.
“Doutor sira halo operasaun ba matebeia Silvino Gomes hotu sai mai dehan ba hau katak, ita nia subrinho nee ten boot nee kuak tolu no ida kiik nee kuak haat maibé sira dehan tesi hotu ona neebe ami junta ona maibé grave.” Eliziario konta
Elizario dehan, agora nia (Silvino Gomes) mate ona maibé prosesu tenke tuir lei.
Nia mós dehan, kona-ba autopsi ne’e família hein de’it banhira pedidu husi parte kompetente fó pedidu mak foin halo autopsia.
Agora dadaun, Silvano Gomes nia isin mate tau hela iha Mortuáriu HNGV ne’ebé akompaña husi família no ekipa Polísia Forénsika hodi konsulta malu atu submete mate-isin ba autópsia.
To’o iha oras ne’e jornalista tenta husu informasaun ba portavoz PNTL iha edifísiu Komando Jerál PNTL Caicoli maibé laiha resposta tanba laiha autorizasaun husi Komandante jerál PNTL.
Reportajen: Estefania Cardoso
Foto: Estefania Cardoso