Dili, 17 Abril 2026 (Media Democracia)- Polísia Nasionál Timor-Leste liuhusi Diretór Servisu Investigasaun Kriminál Superintendente Xefe Polísia João Belo dos Reis informa, DSIK detein suspeitu na’in haat ba osan falsu iha Armajen loja Y&W Bidau Masaur.
“Horikalan ita detein balun relassun ba kazu ne’e depois ohin ami tenta finaliza prosesu hotu-hotu antes loraik ita aprezdnta ba Tribunál.” Dehan Superintendente João Belo dos Reis ba jornalista sira liuhusi Konferénsia Imprensa ne’ebé halo iha Komandu Jerál PNTL Caicoli Kinta ne’e (16/04/2026)
Nia dehan, Ministériu Públiku autoriza halo detensaun ba suspeitu na’in haat ne’e.
“Buat hotu-hotu ami halo pelo koordenasaun Ministeriu Públiku.” JB Reis informa
Komandante João Belo dos Reis hateten, ba kazu osan falsu ne’e Ministériu Públiku promove ho krime falsifikasaun nota osan.
Entretantu sidadaun na’in tolu ne’e ho inisiál WYF, JT no WY.
Reportajen : Estefania Cardoso
Foto : Estefania Cardoso