Dili, 21 Maio 2026 (Media Democracia) – Iha Ambitu Komemorasaun loron Restaurasaun Independensia Timor-leste nian ba dala 24, Prezidente Parlamento Nasionál konsidera diskursu Prezidente Repúblika (PR), iha komemorasaun ne’e importante tebes.
Tuir Prezidente Parlamento Nasionál (PN) Maria Fernanda Lai hateten diskursu Prezidente Repúblika nian mensajen liuliu ba joventude sira iha Timor-Leste, tanba nasaun Timo-Leste selebra ona ba dala 24, nu’udar nasaun joven iha pais Ázia ninian.
“Ha’u husu liuliu ba ita nia joven sira presiza aprende lingua, maske Timor-Leste hasoru dezafiu barak iha ASEAN, maibé iha mós oportunidade boot, ho matenek no domína lingua, tanba joven sira mós bele loke dalan atu fahe esperiénsia Timor-Leste nian, ita bele hetan oportunidade seluk para ita partilla esperiénsia Timor-Leste nian. Hanesan nasaun membru ASEAN, maske mundu iha problema barak, maibé ha’u espera katak ita nia situasaun ho Indonézia ne’ebé pasífiku bele fó benefísiu di’ak ba ita nia rai” Hateten Prezidente PN Maria Fernanda Lai iha Tasi-tolu ,20 De Maio 2026
Nia relata iha loron importante ida ne’e Prezidente Palamentu Nasionál mós hato’o mensajen ba juventude sira atu promove paz no estabilidade polítika.
“Hakarak hato’o hela mensajen ba joven sira, baku malu ita la menan buat ida, se bele nu’udar joven promove paz entre ita nia populasaun sira hanesan meius komunikasaun di’ak ida, para ita iha estabilidade polítika para bele dezenvolve Timor-Leste ekonomikamente iha seiu Asosiasaun Nasaun Súdeste Aziátiku ASEAN ninian”. Nia dehan
Alende ne’e nia rasik, kompromete atu hasoru joven estudante sira, liuliu iha área relasaun internasionál, iha Timor-Lete, atu dudu sira ba oin hodi bele promove lingua sira, tanba ita nia entidades barak mak la dun koa’lia lian inglesh ho di’ak.
Reportajen: Juliana
Foto: Juliana