Dili, 22 Abril 2026 (Media Democracia)- Portavóz Polísia Sientífika Investigasaun Kriminál, Mário Tavares informa iha loron tolu liubá PSIK rejista vítima Snaap Boost ho evidénsia tranferénsia osan provas seluk sei aprezenta ba ministérii Públiku.
“Entaun loron tolu hirak liu ba ami komesa rejistu nomos oras ida ba hatama iha ministériu publiku, vítima sira mai keisa iha PSIK nee la hanesan maibé nia enkuadramentu ba nafatin iha Snap Boost.” Dehan Porta Voz Mário Tavares ba jornalista sira iha nia knaar fatin PSIK Colmera kuarta ne’e
Mário relata, dadaun ne’e PSIK rejistu vítima hamutuk 224, inklui mós dokumentus balu ne’ebé komprova katak, sira halo duni trasferénsia osan.
“Ami indentifika katak, Osan sira ne’e trasfere ba kompania haat ida, SGP MPS, PCFK no TCU kompania ne’e reside iha indonesia no sira trasfere osan sira ne’e ba banku indonesia, balu sira trasfere liu husi aplikasaun Mandiri no balu trasfere liuhusi aplikativu propriu maibé destinasaun osan ne’e em nome kompañia ho montante osan ne’ebé diferente.” Nia informa
Vítima sira depózita osan hahú ho $30 maibé ema balu trasfere $1.000 no balu trasfere $3.000.
“Valor ne’ebé mak oras ne’e iha ho total $ 100.000 sira trasfere ona ba aplikasaun Snap Boost.” Nia dehan
Tuir informasaun ne’ebé rejista katak bainhira vítima sira Top Up ba sistema ho valor $3.000, bele hetan fali $4.000
“Nia problema ne’e top up liuhusi trasferénsia osan hotu, aplikasaun selu labele ou selu ladi’ak, entaun sira sai ona vitima.” Porta Voz PSIK adianta
Tuir informasaun ne’ebé PSIK hetan vítima balun transfere osan dirreta ba iha konta banku Indonezia maibé haree fila fali iha dokumentus laran konta refere kompañia nian.
“Maibé kompania haat SGP, MPS, PCFK no TCU ne’e rezidi iha Indonesia ka ou kompañia ne’e feik de’it ka, maibé osan ne’e kanaliza ba konta bankaria husi banku ne’ebé mak rejide iha Indonesia, Banku haat ne’e reside iha Indonesia.” Nia esplika
Entretantu suspeitu ne’ebé transfere osan ba rai li’ur ho naran inisiál JF no foin daudauk ne’e JF kolabora ho PSIK atu foti auto notísia.
Portavóz ne’e haktuir prosesu hotu PSIK rejista iha ministériu públiku atu halo inkéritu tanba na’in ba prosesu penál nune’e MP iha kompetensia atu halo delegasaun kompetensia ba iha PSIK atu halo investigasaun.
Vítima ba iha aplikasaun Snap Boosts ne’e maioria husi Munípiu Dili
Reportajen : Estefania Cardoso
Foto : Estefania Cardoso