Dili, 24 Abril 2026 (Media Democracia)- Ministru Interiór Francisco da Costa Guterres afirma daudaun ne’e Ministériu Interior prepara ona diploma ministeriál hodi prepara ba prosesu teste kandidatu Kadetez PNTL foun.
“Ne’ebè prosesu hotu ona iha horseik komandu Jerál hala’o enkotru ikus ho instituisaun relevante hodi haree ikus para depois sai ona ministèrial atu nune’e hahú fila fali prosesu ne’e rasik” Dehan Ministru Interior ba jornalosta sira hafoin remata reuniaun konsellu ministru iha palásiu do governu kuarta ne’e (22/04)
Nia dehan, bainhira prosesu hirak ne’e hotu no hetan ona legalidade husi diploma ministeriál atu nune’e komisaun sira la’o tuir baze legál ne’e hodi halo prosesu rekrutamentu.
Governante ne’e informa prosesu rekrutamentu ne’e sei hala’o iha fulan Abril nia laran ka iha fulan Maiu tinan ne’e.
Embora númeru kandidatu kadete mantein nafatin ho 400, avansa uluk ho númeru ne’e depois priense hotu unidade sira mak foin hanoin loke vaga foun fali.
Nia esplika, orsamentu ba rekruta foun ne’e la presiza barak, maibé naton de’it.
“Ita presiza liu mak psikoteks no saúde, enkotru teste prova kulturál ida ne’e sei servisu hamutuk ho Komisaun Funsaun Públika ne’ebè sira sei providência ita sasán sira ne’e hotu hodi uza halo teste, ne’ebè la presiza kustu barak.” Dehan Nia
Enkuantu ba rekrutamentu foun ne’e, kadete foun hirak ne’ebé liu ona prova dokumenta hamutuk liu rihun 12 mak sei mai fila fali teste.
Aleinde ne’e, komisaun supervizaun no juri mós kria foun maibé sei presiza mós balun tanba iha ona esperiénsia.
“Ita sei presiza sira balun hodi hola parte, tanba balun iha nia esperiensia, komisaun fiskalizasaun monitorizasaun ne’e persiza sira balun hodi kontinua, tanba sira esperiensia no sira mak konsege hatene deteta buat barak entaun mantein sira balun para sira ho esperiensi kontinua tau matan para akompaña too prosesu ne’e la’o ho di’ak.” Francisco informa
Enkuantu juri ho sekretáriadu itroka totálmente, hodi tau ema foun enkuatu sektretáriu sei mai hausi australia nomós Portugal.
“Antes ne’e sekretáriadu ne’e timoroan iha momentu ne’ebá fó fiar ba malu tiha mas komesa hamosu fali problema, entaun hakarak ka lakohi tenke uma hosi rai seluk, para nia mai fó matenek no hanoin di’ak uitoan, depois karik timoroan bele ona, bele uza ita rasik prontu.” Ministru afirma
Nia hatutan, uluk hetan apoiu hosi GNR, apoiu agora ne’e la barak maibé atu halo di’ak liu 2011 to’o 13, mas depois ida ne’e akontese mak sai tiha problema entaun tenke kuidadu fila fali, mekanismu ne’ebé iha, o iha labele estraga halo rahun.
Entretantu Sekretáriadu sei konsentra iha hotu Komandu Jerál PNTL.
Reportájen : Estefánia Cardoso
Foto: Estefánia Cardoso