Dili, 06 Janeiru 2026 (Média Democracia) – Komandu Polisia Nasional Timor-Leste (PNTL) realiza komunikadu imprensa hodi partilla informasaun kona-ba selerasaun Loron Natal 2025 no tinan foun 2026 nian hala’o operasaun iha territoriu Timor-Leste, nune’e rezista kazu tolu iha Munsípiu Ainaro, Baucau no Ermera. Konferensia refere hala’o iha Kuartel Jeral Caicoli.
Porta-voz Komandu PNTL Superintendente Polisia João Belo dos Reis hateten, liuhusi konferensia ne’e atu partilla informasaun ne’ebé akontese iha selebrasaun Loron Natal no tinan foun presiza ema hotu atu atensaun. Nune’e iha insidente Polisia halo operasaun boot rua hanesan iha Munisípiu Ainaro, Baucau no Ermera.
“Ami informa de’it atuasaun ba insidente ne’ebé akontese iha Munisípiu Ainaro, membru na’in 3 husi PNTL Munisípiu Ainaro hetan kanek tanba tiru ho Arma Branka. Nune’e indentifika ona suspetu na’in 10 no kazu refere aprezenta ona ba Ministetiu Publiku Munisípiu Covalima Suai ho numeru Nuc: 0002/2026 PNSIK.” Dehan Porta-voz Komandu PNTL Superintendente Polisia João Belo dos Reis
Porta-voz Komandu PNTL hatutan, relasiona ho kazu insidente seluk ne’ebé akontese iha Munisípiu Ermera nian PNTL indentifikadu ona vitima hamutuk ema na’in 6 nune’e suspeitu sei iha faze investigasaun hela, maibé vitima sira hetan kanek tanba kauza husi sasan balun rebenta, tanba ne’e investigasaun sei lao hela atu hatene lolos katak Gas mak nakfera ka Fugetes hodi rejulta ema hirak ne’e kanek.
“Ami mós atu relata kona-ba kazu ne’ebé akontese iha Munisípiu Baucau bainhira iha perturbasaun orden publika joven sira asaltu malu nune’e PNTL halo kedas atusaun hodi tiru Gas, no gas ne’e rasik rebenta kona alin ida nia ain ne’ebé kazu refere prosesu investigasaun nian lao hela no ami aprezenta ona ba Ministeriu Publiku.” Hatutan Porta-voz Komandu PNTL
Porta-voz afirma, kazu seluk ne’ebé akontese iha Covalima Suai iha joven na’in 2 ho kondisaun lanu todan nune’e utiliza motorizada halai ho velosidade maka’as akontese soke malu rejulta mate fatin, nune’e mate isin entrega ona ba familia hodi halo prosesu funebre ida-idak nian.
Esplika liután relasiona ho kazu ne’ebé akontese iha Selebrasaun Loron Natal no Tinan Foun 2026 akontese mós kazu seluk hanesan Diretor Tranjitu Rodaviaria nia oan rasik lakon vida tanba iha asidente tungal ne’ebé akontese iha Manleuana Munisípiu Dili.
Reportajen : Nelfiano
Foto : Nelfiano