Covalima, 03 Setembru 2026 (Media Democracia)– Tribunal Judisiál Primeira Instánsia Suai (TJPIS) Kinta-Feira ohin, liuhusi desizaun ikus iha prosesu primeiru interrogatóriu, deside aplika medida prizaun preventiva ba arguidu na’in-haat ne’ebé deskonfia envolve ba kazu Terezinha Cardoso nia mate iha Aldeia Wetaba, Postu Administrativu Tilomar, Munisípiu Covalima.
Arguidu sira lori mai tribunal, no Ministeriu Publiku (MP) ne’ebé reprezenta prokurador Renato Bere Nahac promove arguidu sira ho krime Omesido Simples previstu tuir artigo 138 husi Kodigo Penal Timor-Leste (KPTL).
Rona tiha arguidu sira, iha despaixu Tribunal nian liu husi juiz estajiado Spriano, deside aplika medida Prizaun Preventiva ba arguido nain-haat ho inisial SNI, DC, JC ho AMA, hanesan Membru SNI nain-tolu no UPF nain-ida.
Antes nee iha alegasaun Ministériu Públiku reprezenta Prokurador, Renato Bere Nahac husu Tribunál aplika medida koasaun Prizaun Preventiva ba arguidu nain haat.
No parte Defeza la aseita alegasaun Ministériu Públiku nia, ne’ebé husu Tribunal atu aplika medida Termu Identidade Rezidensia (TIR) hodi hein investigasaun.
Prosesu ne’e prezide husi juiz estajia Spriano Ministériu Públiku reprezenta husi prokurador Renato Bere Nahac arguidu sira hetan asistente legal husi Defensor Públiku Domingos dos Dantos.
Rekore katak, arguidu sira ne’e Tribunal Diresaun Servisu Investigasaun Krimal (DSIK) ho Diresaun Servisu Informasaun Polisia (DSIP) halo operasuan no Buska iha loron 31/08/26, iha arguidu sira nia residensia bazeia ba Núk0016/20.CVSUI tanba deskonfia komete krime omesido semples nee’ebé Terezinha Cardoso lakon vida.
Ekipa Kobertura